Jack's Terrazza Ristorante

营业中

休息中

今日同男朋友一齐去大美督度踩完单车， 顺便食埋晚饭， 见到呢间餐厅好似几有情调 ，又有浪漫气氛，一于入去试下 其实二人套餐我就贪佢包括有埋个餐汤同埋沙律。 餐汤系南瓜汤，个南瓜汤做得几好，饮落去都几滑。 至于沙律几fresh, 帮我地大开食欲。夏威夷pizza： 个夏威夷pizza，个人觉得不俗，因为芝士份量可算足够， 材料十足同埋我就最欣赏佢个菠萝够甜。 如果以两个人嚟食我觉得十分足够。扒锦绣大会： 对我嚟讲呢个绝对系主角， 因为佢包括我最钟意食嘅羊架、 猪肋骨、 同埋牛扒。 其实三样之中我最钟意就系羊架同牛扒。 因为个羊架保存𠮶种羊骚味。 同埋佢个羊㗎煮得软熟， 牛扒煮到七成熟，有少少肉汁流咗出嚟，当你咬落去，啲肉汁渗晒出嚟，呢个境界我自己都未必煮到。 猪肋骨亦都煮到恰到好处同埋都几大块。最后食埋佢个甜品蛋糕仔， 呢餐绝对够两个人食有突，虽然好意外嚟到呢度食，但情调同埋个气氛，我觉得都几好，如果踩单车或者喺新界居住嘅朋友可以嚟试下。