影片
更多
2017-09-15
1624 浏览
晌一啲商厦开私房菜，绝对唔喺咩新鲜事，不过，私房菜一词我觉得有啲用得滥。近呢三几年，由于租金升幅飞涨，有好多具质素嘅餐厅都索性上楼，并以小店形式经营，控制好成本，更可加强同客人嘅交流。友人未食过上楼嘅法国餐厅，近来见呢间Le Paradis风评不俗，4道菜晚餐唔使4百，值搏率高。餐厅位于加连威老道嘅商业大厦，唔喺咩出名嘅食厦，相对位置较冷门，不过，始终晌旺区，唔难揾。餐厅设有室内同室外，但店员话刚经历台风，室外位置暂时唔开放。而室内环境唔大，概略一数都喺得14个位，所以，几容易满座，订位自然喺常识。内里以灰色衬枣红，灯光幽暗，布置几有法式小馆情调。餐牌设计比较简单，完全无咩装饰或排版，只喺白底黑字，红字喺厨师推介嘅菜式。我哋一心意属晚市套餐，所以，散点餐牌真喺无咩点留意过。唯可惜室内灯光实在昏暗，所以，个套餐餐牌影到蒙查查，勉强可以睇到啲字。4道菜晚餐，定价$398 + 10%，并唔包餐饮，前菜、沙律、汤品都喺指定款式，虽然可以好好控制食材嘅损耗，但感觉有欠弹性，始终有啲人想实惠啲食套餐，却可能真喺有啲食材唔啱食，多一个选择就叫好重保险。哈密瓜、西班牙风干火腿（30个月）伴意大利陈年黑
餐厅位于加连威老道嘅商业大厦，唔喺咩出名嘅食厦，相对位置较冷门，不过，始终晌旺区，唔难揾。餐厅设有室内同室外，但店员话刚经历台风，室外位置暂时唔开放。而室内环境唔大，概略一数都喺得14个位，所以，几容易满座，订位自然喺常识。内里以灰色衬枣红，灯光幽暗，布置几有法式小馆情调。
餐牌设计比较简单，完全无咩装饰或排版，只喺白底黑字，红字喺厨师推介嘅菜式。我哋一心意属晚市套餐，所以，散点餐牌真喺无咩点留意过。唯可惜室内灯光实在昏暗，所以，个套餐餐牌影到蒙查查，勉强可以睇到啲字。
4道菜晚餐，定价$398 + 10%，并唔包餐饮，前菜、沙律、汤品都喺指定款式，虽然可以好好控制食材嘅损耗，但感觉有欠弹性，始终有啲人想实惠啲食套餐，却可能真喺有啲食材唔啱食，多一个选择就叫好重保险。
哈密瓜、西班牙风干火腿（30个月）伴意大利陈年黑醋橄榄油30个月熟成嘅风干火腿，果然油润甘香，只喺得薄薄一片，配两件哈密瓜，有啲未够喉咁啫。此外，垫底嘅沙律菜喺完全无调过味，油醋一滴都无加，感觉哋差啲。
烟鸭胸田园沙律配无花果干柚子蜜醋汁反而，个沙律就真喺几好食，沙律菜配上特制嘅柚子蜜醋汁，酸爽醒胃；衬烟鸭胸倒唔觉得有咩特别，相反，加入少少无花果干却有种画龙点晴之效。
黑松露蘑菇汤以往食唔少西餐，甚至乎法国菜，都会提供餐前面包篮，就算唔喺餐前，去到餐汤，都会伴上三数片特色面包，不过，呢度就唔兴依家嘢。个汤本身做得有水准，菌香味浓，就算菌粒刻意保持少少幼细碎粒，质感依然柔滑，只喺卖相欠奉。
几道菜过后，嚟到主菜前，一般而言，好多时都会以雪葩作间场，不过，晌度就无供应。主菜方面，只喺3拣1：烧春鸡、比目鱼、油鸭脾，选择并唔多。
扒法国烧春鸡伴黑松露忌廉汁早前晌Chez Moi依食过一次煎焗法国鹌鹑酿巴马火腿、白菌及忌廉芝士，实在精彩，法国春鸡名气亦有番咁上下，所以，对此扒法国烧春鸡有一定期望。春鸡喺半只份量，但就算半只都唔细，感觉比一般遇到嘅春鸡大只，肉质一般，未喺好嫩滑，幸而外皮够脆，补番少少分。啲伴菜反而有惊喜，炒杂菌、法边豆、细甘笋及紫薯蓉，好食。
法式油鸭脾配自家制杂莓汁对比起只春鸡，件油鸭脾好食好多，油鸭脾非第一次食，知道油封鸭脾喺历史悠久嘅法国菜，既要风干，又要煎烤，并以味道油香、口感松化为特色，今晚所试到嘅油鸭脾，完全表现出应有质素，外皮香脆，一丝丝嘅鸭肉酥香松化，油香而不腻。
法式焦糖炖蛋今晚嘅是日甜品就喺经典嘅炖蛋，虽然唔喺一道好复杂嘅甜品，但做得好都唔易。炖蛋做得挺身得嚟，口感幼滑，充满蛋香，面层嘅焦糖既薄且脆，手势上乘。套餐并未包餐饮，就算饮品嘅餐牌都喺啲餐酒或啤酒，想饮杯咖啡衬甜品都唔得。
由前菜、沙律、餐汤到主菜，感觉店方都唔喺太注重卖相，菜式都喺四平八稳。而味道上，亦未有太大惊喜，都只喺稳打稳扎。至于整晚用餐只喺4道菜，足足用咗近3个小时，单单等上餐汤也呆等半个多小时，上菜速度之慢，真喺好难想像，餐后先听到侍应讲今晚只得一位厨子，而侍应亦只得佢一位，招呼一环实在要改善吓。
张贴
