ASAP As Simple As Possible

营业中

休息中

行下donki，顺便系个商场到食埋dinner。见到呢间ASAP有蛋包饭，又有意粉、扒等等既野食，都几啱食，而且价钱算ok，就试一试。1️⃣牛肋肉蛋盖饭（$86） 可以拣汁，我地就拣左咖喱汁，咖喱汁系平时日式咖喱果种，捞饭食一流，牛肋肉都有几多粒，唔会韧，都几好食。另外仲有滑蛋盖系饭面，蛋味唔算好浓，不过都ok滑。整体都唔错。  2⃣️香煎盲𫚧野菌汁忌廉烩饭（$95） 佢比我想像中好食。始终唔系cafe或者西餐厅，但系呢度既risotto系做得唔错wor。首先饭系仲有咬口既果种，混合左好多菇，食落系啖啖都有菇既存在😋盲𫚧就冇特别，肉质有啲散，不过个饭系真系唔错。  3⃣️七味墨鱼仔（$30） 炸得好脆，不过炸粉偏厚，同埋食落炸皮同埋拣墨鱼仔系会自动分离。不过味道系唔错既，有七味粉既香同少少辣，墨鱼仔都几弹牙。  4⃣️柚子盐味炸鸡（$30） 炸鸡系好脆，不过都系炸皮偏厚。味道系真系食得出果阵柚子盐味，好食wor👍面头仲有好多紫菜丝。