ASAP As Simple As Possible

营业中

休息中

大前日（18-5-2024 Sat）晏晝，同老公睇完戲後搵嘢食，去邊喥食?想食叉燒飯，但呢頭好似冇燒味飯店，諗起幾年前同老公帶爸爸嚟食過嘅鼎家喜筷（食評係2022年8月6日刊登嘅呢篇: https://www.openrice.com/zh/hongkong/review/%E5%86%87%E5%BE%97%E9%BC%8E-e411519 而上次食評係2021年11月12日1刊登嘅呢篇:https://www.openrice.com/zh/hongkong/review/%E8%A9%A6%E5%85%B6%E4%BB%96%E5%98%A2-e4229310，）點知嚟到，原來已經執咗。咁食邊間?我諗起呢間，於是走嚟，由於係下午茶時間，都冇乜人。我哋走入去啦，我哋都係坐窗邊位，睇吓menu，見到有呂宋芒雪糕蜂蜜千層吐司布甸好吸引，店員即時話呢個要20分鐘整，因為要焗，係就要早啲落單。咁再睇menu，有tea set同lunch set，最後都係要tea set，我就要呂宋芒雪糕配蜂蜜牛角窩夫，老公用QR code入單，要$54.00嘅焗蕃茄芝士腸片流心蛋配酸種麵包多士，加$10.

今日同朋友兩個人嚟食晚飯，侍應同我地講啱啱轉咗餐牌。一於就試試啲新野！安格斯封門柳野菜定食 $115上碟時已經切好一片片，肉質鮮嫩帶粉色，口感軟腍無根，牛肉味香濃，仲配埋白飯沙律包野飲。同類菜式市面起碼要$180up，性價比極高！煙肉粟米意粉 $55本身以為係外賣餐(餐牌無)，問返職員先知係指定門市限定，可在手機點餐。價錢實惠包埋飲品，份量足夠，忌廉汁入味，另一抵食之選！蕃茄煮青口 $59大大粒，蕃茄汁香濃。計埋加一 $252，抵食。有海景睇，啲枱又唔會好迫，下次會再去食！

今晚同小朋友補習完經過佢門口，見到個大大既poster，之前都無既，睇下原來係$10一只春雞，之前都有幫襯過，啲野食同服務都唔錯，即刻同屋企入去試下，間鋪有得睇海景，啲野食同服務都keep到，原來入去先發現，佢所有套餐都可以加一只春雞，唔係平時果啲做優惠加得一只咁，最後加左兩只，有只食唔曬拎走，抵食，下次再嚟先得

平時都鍾意幫襯 因為食物都算幾好又有海景呢間野成日有啲後生新員工最近一兩次去 個體驗都極差 有次我見大把位選擇唔坐個男侍應guide 既位 佢即時面色變 好唔順氣咁 但由我坐咁我唸住件事過去啦 點知 之後都係果個員工送餐 野食 同 野飲 都特別大力放落 有啲嚇親既感覺因為你即使去茶餐廳 咁樣既力度 更唔會蓄意咁做感覺極不受尊重 同埋真係極無禮貌 傻左 黎食個飯 仲要受 佢員工氣 最近一次去食物質素都差左啲意粉配菜 菜係霉左咁意粉又送啲通粉俾你咁🙃🙂一言難盡真係咁有問題佢哋會換碟俾你既 唸住無乜野啦然後換左 果個新員工黎上菜又 又係你feel到既特登好大力放碟野上黎 我都費事發作但真係感覺好差 點train 到啲咁無禮貌 俾氣客受既員工唔會再點幫襯用餐極不愉快

早上時間有好多位置都唔俾人入去，已經企左係出面一陣，前面既又係一位，一位既就唔俾坐？？一位既就要等？？等到有單位先坐得？甘個個單拖去食既都企係出面等你？甘樣係咩服務？點做培訓你地d職員？唔識安排坐位

入去想要位，幾個員工睇到但無人你，有個員工仲坐係其中一張餐枱度吾郁，當時餐廳約4成滿，經理同其中一個員工好忙，其他就好似唔係好理野，食物都等咗陣，上菜係食完個飯先上餐湯，清水係食完晒差不多飲埋餐飲再比杯水你，叫埋單個員工講咗句好細聲就走咗，而且吾會望人，最後原來係出面埋…服務好奇怪嘅餐廳。食物點咗豬扒蛋飯，味道算不錯，而且環境幾舒服，有個落地玻璃窗望海，其實都吾係要咩服務，總之正正常常就可以，希望可以加強下培訓，至少員工應對要清楚啲同望下客人🤷‍♀️

平時堂食ASAP可以欣賞到佢地既無敵大海景今次因為落雨就冇出去食, 叫左佢地既外賣早餐喇估唔到佢地既外賣都做到唔錯既質素!!我地叫左兩個早餐:1. 原條吉列魚柳+日式豚肉腸+德國香草腸+牛角包窩夫, 熱鮮奶泡沫咖啡2. 香煎雞胸+日式豚肉腸+德國香草腸+牛角包窩夫, 熱泡沫朱古力北海道牛奶因為SHARE食所以試哂雞胸同魚柳!兩樣都好好食! 雞胸驚喜地嫩滑, 食到佢有加少少蜜糖落去煎😋好好味👍🏻👍🏻魚柳竟然冇因為外賣而淋左同濕左, 仲係好脆👍🏻而且食得出魚柳都係新鮮, 冇雪味熱朱古力奶同熱咖啡都OK成個餐最中意係牛角Croffle!! 真係好好味👍🏻👍🏻🥐下次真係要試下堂食先得

上個禮拜一晚同老朋友去咗海之戀分店食晚飯，當晚大約6點半去到餐廳門口，不用排隊入座，侍應直接指示隨便揀枱坐。因為我地坐近玻璃大窗，可以睇到美麗黃昏既海景！總體服務質素幾好，侍應好有禮貌，當我地落單叫嘢食，佢地又主動建議一d菜式！食物質素不差，每碟食物上枱時熱度夠，賣相吸引！我最鍾意嗰碗酥皮海鮮龍蝦湯(其實我唔記得🤭個名係咪叫"酥皮海鮮龍蝦湯")，總之好好飲😋！加上價錢合理，2個人埋單$400左右落樓，下次同其他朋友再嚟幫襯！

阿仔話好耐冇試過咁好飲嘅朱古力。咀刁之人都有好評，就寫食評鼓勵一下。上次幫襯係薯條無限添加，今次係每個餐再加$4多一份沙律。每次都有新招，欣賞食店的努力🥰$4份的沙律，用料新鮮，漿汁甜酸適中。燈油火蠟，人工鋪租…超值啦食物質素不錯，$128 10oz牛排(金x的價錢)，望住海景，環境闊落。試過豬排&腸，春雞，肉丸，牛肋肉飯，藜麥飯，都好味道。酥皮海鮮湯，即叫即焗，雖然係食曬所有野先上，熱辣辣，好飲，值得等待。

一家人食晏，近近哋屋企樓下食算，三份午餐上枱再嚟杯奶茶上枱色水同其他差唔多，聞落無乜奶味亦無乜茶香，一啖入口，奶味淡，無乜茶味，水溫尚可，攪勻再賞，茶味唔出亦無乜，奶味偏淡，唔知係咪西式餐廳茶包之過⋯⋯呢杯茶，無乜茶味無乜奶味

ASAP買外賣🥡，原本想叫croffle all day breakfast 🥞 ，冇，再改叫海鮮🦞濃湯🍲飯，冇，最後叫咗安格斯漢堡奄列飯（燒汁）包✋磨菇湯🥣（$100）升呢latte($6)，蛋 🥚 ok不過漢堡扒皓燶，latte ok 👌

十分需要檢視和加強員工的餐廳！同男朋友今次係第二次幫襯，明明食物質素唔錯，食飯時間都唔使等位就決定再食，食完隱隱約約有少少後悔。男朋友嗌咗牛扒配意粉，湯，飲品，都好正常咁樣上菜。如果唯一要講嘅的話，只係個意粉同個牛扒係唔同時間上枱，仲要望落去白烚，十分唔吸引。尼到我點嘅嘢食，出場次序就有啲亂，沙律係主菜同餐湯之後先上。投稿嘅原因有兩個，第一係茄汁嘅碟，我嘅主菜同男朋友一樣都係有跟薯條，但唯一唔同嘅係我嘅薯條冇茄汁，我見男朋友有點淨嘅茄汁，所以冇問職員重新拎過。可能到咗差唔多收工嘅時間？職員想將要嘅碗碟先收起，第一次女員工有問我，我同佢表示左係要嘅，但隔咗5至10分鐘佢又再行過嚟望左幾秒，一言不發就將隻碟收咗。我當時都幾愕然，因為我仲食緊，而明明係同一個女員工。。第二係因為我嘅嘢飲，喺離開餐廳前嘅5分鐘先上枱。事源係我無意中聽到好似嘢飲出錯咗枱，所以我就繼續食住嘢等，隔咗一陣我有聽到員工話士多啤梨缺貨，男員工依家出去買，我就唯有耐心繼續等。到佢返嚟交交咗俾水吧同事，咁我就諗應該唔係好耐啫。餐廳一直都冇向我交代，而係所有對話都係我自己聽返嚟，我亦都冇催促過。到就尼9:30，9:45要離開，

呢間基本上都算係我飯堂，d 野又抵食，性價比幾高，仲要d 位好舒服，收工黎呢度基本上都唔難等位。❃ 牛肋肉蛋蓋飯 $97▪配日式咖哩汁、蕃茄飯和海鮮濃蝦湯。牛肋肉份量ok, 但肉質有d韌，但個蛋蓋飯幾好食，下次可以試下其他配料。至於個海鮮濃蝦湯就有d 淡口，如果濃味d 就更好。❃ 吉列豚扒蛋蓋飯 $127▪另外加配香脆雞塊日式咖喱汁配蛋蓋飯真係冇得輸，有咖喱汁就可以撈好多碗飯，吉列豬算幾香脆，炸粉唔算厚，唔錯！而雞塊同麥樂雞冇乜分別，加餸黎講算幾ok! 

今日去行Donki給朋友拉去吃個下午茶，佢話3樓有一間餐廳好抵食，不妨試一試吧。黑松露炒蛋酸種麵包多士+原條吉列魚柳+法國邊豆+炒野菌+扒番茄吃的東西全部於名字顯示出來，吉列魚柳炸得不錯，粉漿薄薄的，好香脆，唔油膩，其他的配菜也可以呀。件酸種麵包多士也夠香脆，炒蛋可以生少少更好。朋友吃的溫泉蛋牛肉飯，牛肉份量也多，燒汁也很惹味用日本珍珠米口感不錯。原來ASAP是大快活集團的餐廳，價錢都比較大眾化。

星期六11點零諗住入去食個早餐，點知佢地話冇早餐，都唔緊要，照入去食，然後又有另一個侍應再講一次，ok啦，唔係貪你地個早餐。坐低之後，用手機落單，又話冇早餐，但落單嗰度得早餐，於是問佢地，然後佢地話等一等，我閂左再scan入去，一樣得早餐，如是者幾次，都係得早餐，再問，佢地又再問人，最後就話個系統未得，要等多8分鐘，我問你地幫我地落得唔得，都話唔得。然後我地唔食，佢地就好啦拜拜。想食一餐姐，哩樣唔得嗰樣唔得，唔會再幫趁喇。