山本屋 (海運大廈)

营业中

休息中

嚟自名古屋嘅山本家系当地接近百年嘅名店山本屋嘅香港第二分店已经系海港城开幕。主打味噌乌冬，乌冬用上日本小麦粉，以传统技艺每碗都由人手打做，同大围一样可以由店外望入打面房，又见到第五代传人之一青木晃佑系度打面同切面。新店比起大围第一间分店更加大，最大嘅亮点就系佢哋窗边向海嘅维港海景，而且尖沙咀店仲有限定新产品添。有明太子拌平乌冬、赤味噌猪扒、仲有赤黑鸡翼山。咁啱平乌冬未打好，唯有食返佢哋嘅招牌味噌汤锅烧乌冬。味噌汤底系由冈崎八丁赤味噌和信州白味噌混合调制，微苦嘅八丁味噌结合柔和嘅白味增，的确味道香浓。上次食过天妇罗虾好正就encore食多次，另外就叫咗一份黑赤鸡翼山。鸡翼山份晕足足有四只鸡全翼，一碟有两个口味，一个系黑芝麻胡椒、另一个系辣椒粉。鸡翼脆卜卜两个都好惹味。