影片
更多
2021-06-18
475 浏览
登登登登…… ☠毕生难忘地狱铁板烧☠好啦～首先我地系经OpenRice book位，有8折既一入到去坐低佢系咁sale我地要个2人海胆杯果个餐，但我地两个都唔想食埋同一样野，所以就分别叫左一个豚肉餐同A5和牛餐再加海胆杯啦！第一张相似出面食高档餐厅摆位呢～sor,系我自己放既!重点左上角杯茶我第一啖饮落去苦既（幻觉黎架姐，应该甘味黎既）打头阵有个我唔食既番茄，个番茄呢…唔知似咩！我见到已经知佢系生既，最抵赞佢无皮架!👏👍跟著黎左个刺身～哗～好鬼正咁㖞，喷晒烟，食落去（幻觉黎既，睇黎我食得贵价野少）再黎就系佢最出名，最吸晴既18层地狱……sor，系18层海胆杯……咁个海胆就呃like一流，但第一啖食个海胆就伏左啦～北海道紫海胆～你呃我未食过海胆呀～出面放题来货最平果只海胆，仲要腥既!食到想呕!跟著就系下面果18层地狱啦～成杯野除左腥，我真系食唔到有咩味!再黎有铁板带子，正常，无味!仲有蚝，无影相，因为怪怪的～佢加左柚子茶果个酱上去!食到鹅肝啦～哗好厚好大件，但可以比返多士我吗？无啦啦用咩淮山呢～仲要衬一个酸既汁同黑加仑子爆珠！？咩玩法！👽（新颖菜色，识条铁咩）好啦～开始我地两个都食到怀疑
好啦～首先我地系经OpenRice book位，有8折既
一入到去坐低佢系咁sale我地要个2人海胆杯果个餐，但我地两个都唔想食埋同一样野，所以就分别叫左一个豚肉餐同A5和牛餐再加海胆杯啦！
第一张相似出面食高档餐厅摆位呢～sor,系我自己放既!重点左上角杯茶我第一啖饮落去苦既（幻觉黎架姐，应该甘味黎既）
打头阵有个我唔食既番茄，个番茄呢…唔知似咩！我见到已经知佢系生既，最抵赞佢无皮架!👏👍
跟著黎左个刺身～哗～好鬼正咁㖞，喷晒烟，食落去（幻觉黎既，睇黎我食得贵价野少）
再黎就系佢最出名，最吸晴既18层地狱……sor，系18层海胆杯……咁个海胆就呃like一流，但第一啖食个海胆就伏左啦～北海道紫海胆～你呃我未食过海胆呀～出面放题来货最平果只海胆，仲要腥既!食到想呕!跟著就系下面果18层地狱啦～成杯野除左腥，我真系食唔到有咩味!
再黎有铁板带子，正常，无味!
仲有蚝，无影相，因为怪怪的～佢加左柚子茶果个酱上去!
食到鹅肝啦～哗好厚好大件，但可以比返多士我吗？无啦啦用咩淮山呢～仲要衬一个酸既汁同黑加仑子爆珠！？咩玩法！👽（新颖菜色，识条铁咩）
好啦～开始我地两个都食到怀疑人生，黎个猪同牛啦～老板好好人薄烧猪今晚无晒货，所以免费升级左厚烧豚肉～哗，名副其实柚子汁烧猪排！而个牛呢就柚子爆珠加大量蒜既薄烧平价肥牛……🤬（我叫A5,个餐价钱真系比唔到我咩？）
我开始忍唔住佢果杯原来系花旗参青柠茶～比热杯水我吧啦！个口苦到自己都唔知做紧咩!😱真系饮唔到花旗参味!
铁板炒饭应该系最正常既，但佢无啦啦整个云朵蛋，又升级左个腥味!😵
系漏左个纸包海鲜汤～只蚬咬唔开架～粒冬菇可以煲到无味又似海棉!🤮
好啦～我真系忍唔住啦（去个厕所先）返到黎见到个自家制甜品～哗～你又当我乡下黎架～黎货既忌廉泡芙，自家唧个朱古力酱系面就当系呀！🤯
后黎搭车上网睇返，我以为佢依间野系新既（乐），点知系之前个名（S2铁板烧）太臭改左名，伏到一个点!假如你有钱又唔介意比钱去食地狱野既，依间系一流既餐厅!中伏点可以去到1000！
乐师傅：海胆达人，铁板烧魂!
我本人：苦不堪言，食完离魂!
希望佢快快结业，唔好再遗害人间！
张贴
