影片
更多
2022-08-20
985 浏览
如果你问我最近想再去嘅火锅店我一定推介呢间因为我从来无谂过啲野新鲜到咁。本身我地一行7个人，点知有条友甩咗底，但侍应仍然好好服务，逐一介绍有啲乜推介。我地最后点咗个6人餐，因为点计都好似底啲。 影一影个配料盘系因为都几足料，成12样野可以俾你加。我地点咗个沙嗲同埋芫茜皮蛋呢啲大路野，有时套餐啲汤底难免稀啲，但呢间真系俾足你，所以我地食到底都系好浓郁。3秒响铃好多餐厅都系交货嚟，呢度真系自己炸，老实讲，唔使食𠮶阵防腐制嘅味，已经唔扣分。而且上嚟𠮶时仲系脆。呢度啲饺又系有诚意，唔系𠮶啲套餐细细粒，求其交咗货俾你当有，佢真系大大粒，最鬼钟意系佢啲云吞皮唔厚，如果唔系同班化骨龙嚟，我自己会食多几粒。啲本地手切肥牛，油花纹路真系好靓，你见到啲油花分布咁平均，每一啖入口都有油香肉香，我地最后系成班忍住有尿酸嘅风险，叫咗啤酒送肉。登登登!!!! 我最suprise系，系餐厅打边炉，我真系无见过咁雪白嘅鲍鱼，所有海鲜都系洗得干干净净，同屋企食会洗得干净一样，我地成班见到已经哗哗声。 最后埋单........... 每人只系$248，呢个数已经系包埋野饮、加一，大佬，仲想点? 你问下次同班fd出嚟
我一定推介呢间
因为我从来无谂过啲野新鲜到咁。
本身我地一行7个人，点知有条友甩咗底，但侍应仍然好好服务，逐一介绍有啲乜推介。我地最后点咗个6人餐，因为点计都好似底啲。 影一影个配料盘系因为都几足料，成12样野可以俾你加。
我地点咗个沙嗲同埋芫茜皮蛋呢啲大路野，有时套餐啲汤底难免稀啲，但呢间真系俾足你，所以我地食到底都系好浓郁。
3秒响铃好多餐厅都系交货嚟，呢度真系自己炸，老实讲，唔使食𠮶阵防腐制嘅味，已经唔扣分。而且上嚟𠮶时仲系脆。
呢度啲饺又系有诚意，唔系𠮶啲套餐细细粒，求其交咗货俾你当有，佢真系大大粒，最鬼钟意系佢啲云吞皮唔厚，如果唔系同班化骨龙嚟，我自己会食多几粒。
啲本地手切肥牛，油花纹路真系好靓，你见到啲油花分布咁平均，每一啖入口都有油香肉香，我地最后系成班忍住有尿酸嘅风险，叫咗啤酒送肉。
登登登!!!! 我最suprise系，系餐厅打边炉，我真系无见过咁雪白嘅鲍鱼，所有海鲜都系洗得干干净净，同屋企食会洗得干净一样，我地成班见到已经哗哗声。
最后埋单........... 每人只系$248，呢个数已经系包埋野饮、加一，大佬，仲想点? 你问下次同班fd出嚟打边炉，我都未谂到仲有边间又平又有返咁上下水准。
张贴
