家賀屋

家贺屋最近在铜锣湾开新店，帮衬开湾仔店既fans，当然要去支持下。吉列广岛蚝：炸得金黄酥脆，炸浆厚度恰到好处，油而不腻，仲保留到蚝既鲜味。旗本寿司定食：有7款唔同口味既寿司加玉子，吞拿鱼、三文鱼、油甘鱼，肥美肉厚，赤虾新鲜弹牙，全部由丰州直送。蒲烧山椒鳗鱼丼定食：鳗鱼带微微炭烧香气，肉质软腍无细骨，配味道甜甜哋既鳗鱼酱汁，非常下饭。北海道千层云呢拿蛋糕：千层蛋糕奶味和蛋味浓郁，中间夹住既北海道忌廉软滑厚身，好味道。朱古力心太软：即叫即焗，未上枱已闻到香喷喷既朱古力味，切开后D朱古力就慢慢涌出来，配搭既士多啤梨，正好中和番个甜味。巨峰提子乳酸梳打酒：入口浓浓巨峰提子味，梳打酒不太浓烈，啱女士饮。橙汁烧酎：酒味唔算太重，散发出清爽口感。总结，食材高质，环境舒服，服务专业细心，和湾仔店同样咁出色。