泰海鮮 (已結業)

琴日一早去行千岛湖,然后再行返落三圣邨食海鲜，喺出边海鲜档买咗龙虾、花甲王同黄油奄仔蟹，海鲜价钱total都系买咗$690，经朋友介绍话有间叫做泰海鲜加工唔错，所以就攞入去试吓，店员介绍佢哋嘅招牌系脆皮芝士焗龙虾，所以我哋就试吓，开边龙虾面覆盖着满满嘅芝士，趁热食酥脆而浓香，龙虾肉仲保持住鲜嫩多汁，但略嫌比较溜滞，另外豉椒炒花甲王再加盐焗奄仔蟹，蟹真系超正好多黄膏，香到不得了，花甲王啲肉弹牙爽甜，好新鲜完全冇沙，另喺餐厅内叫了一煲海味杂菜煲，都系$88好抵食，食饱饱到了买单竟然要收$615，系海鲜材料的¾价钱，可能系小妹见识浅薄，唔知道而家出边来料加工嘅收费系咁乸脷，做来料加工嘅餐厅原来咁好赚嘅，以后都系睇一睇先至好入去