感 (已結業)

年28 同屋企人上去食团年饭, 早一日订左个海鲜塔, 老实讲卖相同韩国无得比(人地9 层高呀), 但食落都唔太差㖞, 食得出全部都系新鲜野, 起码唔会俾雪虾你, 阿妈仲话街市D 海虾而家好贵架.....一上台就教定闹钟等十零分钟等食, 好似小学生等食饭咁, 睇住佢起自己面前蒸都几得意...第一层海虾, 12只全部穿起哂, 方便进食, 几细心唔错, 虾唔算大只但鲜甜, 外面仲有D 人参鸡汤味...第二层花甲, 份量好多㖞, 都系新鲜野, 够甜...第三层鲍鱼, 元贝, 每样4 只, 啖啖肉...第四层蟹, 有3 只, 不过好细只, 但味道都系鲜甜...第五层人参鸡汤, 呢个系精华所在, 因为D 汁滴哂落去, 好味...另外细佬话想叫左碟炸鸡试下, 呢个卖相几靓, 但因为上台果阵我地个个都食紧海鲜, 无手影相, hehe...但呢个真系要俾个讃, d 鸡好滑呀, 细佬即时味吉阳一上身: 好味呀!!!!! hahaha 真低b今晚食得好开心, 连一向挑剔既阿爸都话六百几蚊食到d 新鲜既海鲜, 算系咁啦, 希望新既一年, 大家都开开心心啦