潮州邨 (已結業)

老友喺Lodax周日行山时急call叫食lunch。呢位仁兄好少咁心急，一定有好嘢介绍。行完山匆忙回家，梳洗后再度出门。饭店坐落银幕街，要落地库。从老板口中得知舖头转战多年，由天后到铜锣湾。最后又回到起点。老板对谈及自家出品时有一种气派，不亢不卑、介绍认真。老友原来琴日已经嚟过，要佢马上encore同一地方定有过人之处。头盘要潮州卤水三拼。鹅肝、鹅肠加鹅片。Lodax对鹅肝一般有介心。做得唔好又干又鞋又有筋。老友笑笑口：“放心。琴日食过。” －𩠌上枱时已觉得鹅肝与别不同－表面柔润，软熟。入口更不得了－咁滑都得？？老友话：“似唔似foie gras？” 喺我食过最好的卤水鹅肝！有鹅香但唔油腻。点仲顾得今年验身胆固醇喺几多。。。鹅肠爽脆冇渣，卤水入味唔太咸。鹅片相比下被打落冷宫（须然已比街外货好）。第二味喺浸马友－指明要细条嘅。鱼皮番开咗，露出诱人嘅肉体（鱼皮唔食架！）。肉质嫩，味道不箅太浓但油以唔系游水嘅有此水准食得过。以为马友只喺用嚟做咸鱼，今次大开眼界。第三味喺自家制手打牛筋丸。弹牙唔在讲，有食劲！汤有芹菜、海带加上汤。味浓。其他的𩠌还有潮州炒米粉、荀棵、咸甜粽、潮州蚝仔方鱼肉碎粥。