潮州邨 (已結業)

老友喺Lodax週日行山時急call叫食lunch。呢位仁兄好少咁心急，一定有好嘢介紹。行完山匆忙回家，梳洗後再度出門。飯店坐落銀幕街，要落地庫。從老闆口中得知舖頭轉戰多年，由天后到銅鑼灣。最後又回到起點。老闆對談及自家出品時有一種氣派，不亢不卑、介紹認真。老友原來琴日已經嚟過，要佢馬上encore同一地方定有過人之處。頭盤要潮州鹵水三拼。鵝肝、鵝腸加鵝片。Lodax對鵝肝一般有介心。做得唔好又乾又鞋又有筋。老友笑笑口：“放心。琴日食過。” －餸上枱時已覺得鵝肝與別不同－表面柔潤，軟熟。入口更不得了－咁滑都得？？老友話：“似唔似foie gras？” 喺我食過最好的鹵水鵝肝！有鵝香但唔油膩。點仲顧得今年驗身膽固醇喺幾多。。。鵝腸爽脆冇渣，鹵水入味唔太咸。鵝片相比下被打落冷宮（須然已比街外貨好）。第二味喺浸馬友－指明要細條嘅。魚皮番開咗，露出誘人嘅肉體（魚皮唔食架！）。肉質嫩，味道不箅太濃但油以唔係游水嘅有此水準食得過。以為馬友只喺用嚟做咸魚，今次大開眼界。第三味喺自家制手打牛筋丸。彈牙唔在講，有食勁！湯有芹菜、海帶加上湯。味濃。其他的餸還有潮州炒米粉、荀棵、咸甜糉、潮州蠔仔方魚肉碎粥。