影片
港铁天后站 A1 出口, 步行约2分钟
继续阅读
特色
适合大伙人
营业时间
星期一至日
12:00 - 14:30
18:00 - 00:00
以上资料只供参考，请与餐厅确认详情
呢排唔知做咩成日都想搵潮州菜食....最後決定食潮州邨! 地方唔太大, 只有幾張枱, 招呼都可以, 係D人豪氣左少少咁啦....唔係好覺有淨鵝肝叫, 所以就叫左個招牌三寶(鵝片, 鵝腸, 鵝肝), 樣樣都好入味, 但有時時咸, 不過可以接受, 始終味道勝過咸味滷水雞蛋, 見幾特別就試一試, 味道唔錯, 不過試過就算, 冇咩特別川椒炒雞球, 非常之惹味既一道菜, 但愈食就愈咸, 咸到食唔到韮菜花炒鵝紅, 超級超級超級超級好味, 第一次食鵝紅, 原來鵝紅好爽口同好香的, 食到停唔到口!!!D韮菜都好入味好正最尾唔夠飽, 叫多左個潮式蠔餅, 粉唔算話好多好厚, D蠔都算大隻, 不過呢道菜係全晚最咸既一道, 食淨1/3已經食唔到了雖然好咸, 但我對佢印象幾好, D野食得出係好味, 只係重手左, 我會俾多次機會再試!
继续阅读
今日一行5人聚餐，搵餐廳嘅責任又落在我身上，第一時間去 openrice 搵下有乜好嘢，就搵到呢間傳統潮州菜館。睇食評知道呢間餐廳好難搵位，所以一早就打左電話訂定位，點知去到都仲係要再等十五分鐘，證明呢度嘅生意真係唔憂做。睇到呢度好多種唔同嘅凍魚，聽店員介紹叫咗條烏頭魚$218，聽到個價錢都覺得有d貴，結果仲係麻麻地好食，所以不推介。金牌三寶$138，就係滷水鵝肝、鵝腸同鵝肉，滷水味道非常好，值得推介。潮式蠔仔烙$58，不過不失，如果唔怕食煎炸野都應該叫番份嚟食。糖醋伊麵 $68，非常香脆，師傅功力深厚，不可不試。食完個潮州三寶，因為個滷水太好食，所以叫多份滷水鵝片$98。排骨春菜煲$65，味道普普通通。淮杞螺頭雞腳湯$98，味道一般，價錢合理，可以一試。
继续阅读
好耐無食過潮州菜, 今日終於黎呢度嘗試. 炒蠔蛋, 很不錯木薯粉很多, 所以很脆, 而且蠔都算多, 抵食.炒米線, 炒得非常好食, 入味軟硬剛好, 而且咸度也調配得很合適, 細盤了一點但也很不錯.鵝三味, 鵝肝很軟滑味道也香嫩, 沒有騷味. 鵝肉很少, 不過很入味. 鵝腸不會太難咬, 非常好. 豆腐都不錯.服務方面, 只有老闆娘特別有禮貌勤快, 其他員工個個懶洋洋, 叫左一系聽吾到一系好慢回應, 也給了個最差的座位我們.茶壺系漏水的, 茶極淡但也要收費不菲. 不過味道就真系很不錯, 可以再幫親. 希望下次吾續要坐廚房廁所位吧.
继续阅读
夜收工，與友人決定到較銅鑼灣寧靜的天后搵食。小妹是潮州妹又家住天后附近，但一直沒有機會光顧這間小店。今晚決定試一試！雖然只是小店，但餐牌的選擇比我預期多。但由於夜收工及只有2個人，決定輕食。 我們點了蠔仔烙及鮑魚肉碎粥。鮑魚肉碎粥有2-3人份量，頗抵食！蠔仔烙略油，但美味可口！值得推介～ 身份潮州人，試過不少潮州美食，這一家潮州村的水平不過不失，價錢相宜，是街坊之選。
继续阅读
這天放假又約姑姐午膳，今次想吃潮州菜。來到天后的潮州邨，午市客人不多，得三檯客。午市供應經濟客飯，也有二人餐，四人餐等，問問姑姐意見，她屬意二人餐，包括有鹵水鵝，蒜蓉炒時菜，煎蠔餅，及地魚肉碎粥兩碗。 鹵水鵝碟子堆得滿滿，其實只得數片鵝片放面，墊底的是鹵水豆腐，鵝片也非件件正！三兩片是肉，其餘都是帶很多肥膏，鵝肉鹵得不錯，味道鹹香而有香料味，豆腐也不過鹹。 煎蠔餅是頗大塊的，看棕啡的顏色，炸食物的油應「年紀不輕」及「飽歷滄桑」，幸好入口沒有油「益」味，蠔仔餅的蛋香非常濃郁，質地煙韌，加了些蔥花，蠔仔亦幾新鮮，不腥，每人可分兩件，吃得愜意。蒜蓉炒時菜，炒白菜仔，夠鑊氣，蒜蓉惹味，若再多一碟也能吃掉。潮州人性格節儉，很多時吃碗粥，加些菜甫或半邊鹹蛋便是一餐，地魚肉碎粥是較豐富的一種，用烤過的大地魚煮粥，十分之香，其實粥的狀態較似加了水煮的飯，還加了些肉碎，有些是肥肉，有營養之餘，亦可以增加身體所需油脂，物料簡單但味美。兩位餐收$128 免茶免加一。
继续阅读