甘甘好蔗 (已搬遷) 新店位置

夏天咁热嘅天气去到旺角行街，梗系要饮番杯废水，喺肥姐食完生肠墨鱼之后见到隔离开咗间主打蔗汁饮品店，仲要无添加糖，比较健康，于是就试吓亦都可以为今日嘅天气降降温。我同朋友叫咗一个蔗汁青茶同蔗杯蜜瓜，我仲问咗店员可唔可以拣无糖，店员话其实我哋系添加糖可以饮到蔗汁嘅原汁原味。而家好少地方有蔗汁卖，呢度蔗汁仲可以选择搭配唔同嘅生果，非常特别。蔗杯蜜瓜用上新鲜蜜瓜混合蔗汁，入边会有果肉饮落去非常refreshing.蔗汁清茶就用上御翠乌龙青做茶底，茶底唔会盖过蔗汁嘅香甜。最近仲做咗优惠，撕开包装纸就会见到大家有冇中奖，有机会可以免费饮多一杯。原来甘甘好蔗亦都喺深圳开咗分店位于罗湖区，而家香港人放假有时都会上深圳食吓嘢，经过见到唔想成日饮珍珠奶茶都可以试吓。