泰Cool

营业中

休息中

啱啱泰国回港隔日就想回味下D泰菜,谂起成日行淘大会经过泰COOL,入嚟试下先,可能时间早有位,待应叫我地自己拣位,见店内装修几特别,有个好似雀笼既二人位就坐低咗,自已扫码落单,方便!先点了小食拼盘,有我最钟意既虾饼,好味,够厚身大件,仲有春卷唔错,鱼饼、鸡翼每样食物有四件,成个拼盘好足料全部都大大件,赞!点个泰式生虾刺身,一碟有十只,都够新鲜,再叫埋个泰式香草爆炒肉碎生菜包,又系份量足,好大碟,配上生菜真系好夹,有泰国风味,最后点了二柸饮品,先嚟一柸香桃青苹果冰茶,之后嚟一柸碟豆花特饮,好靓,啱晒打卡,仲要系好饮!仲有见到隔离食紧个排骨,卖相唔错,下次要试吓,有机会会再嚟帮衬,临走仲见到猫店长,劲乖乖又可爱可以不停比人拍照!