素年 (福隆大廈)

营业中

休息中

深水埗近期大热的餐厅，一定系素年，素年是一间文青素食cafe，朋友们食过都一致好评及强烈推介。由于餐厅面积偏细，座位有限，建议大家book左位先，walk in都未必有得入。当日book左晚上8点正，同友人逛完街先过来餐厅，由于未够8点，加上未有吉位，只好系门口张长櫈坐住等入座。顺便睇下餐牌食咩好~餐牌主菜款式其实唔多，不过种类就较多元化，仲有fusion菜式。不过我好快就比日式定食吸引左，另外再配热的黑豆茶。当日式定食上枱时，我已经忍唔住帮佢影相啦~日式乌冬配各种配菜及甜品，有昆布酱油汤底既腐皮乌冬、炸南瓜饼、冻豆腐、枝豆、腌萝卜、小紫薯及红豆糯米糍。虽然摆盘同份量都加分，但味道就始终唔系太适合我呢种重口味既人啦！整体味道偏淡，特别系个乌冬，食落口系完全无味，红豆糯米糍个皮就唔够烟韧。唯一好食就系个南瓜饼，不过第一口食落似蕃薯饼多于南瓜饼...友人个菠菜阔条面都系一般般，菠菜汁唔够浓郁，都系清淡为主。不过份量就足够。总括黎讲，呢间大热既素食Cafe我就唔太识欣赏啦，无朋友口中讲到咁好，食过一次后都未必会再光顾。