鳥山名

营业中

休息中

Shoopen 结业大平卖，拉埋个朋友去扫平货，满足完购物欲就轮到要满足食欲，见到哩间日本料理八点半过后都咁旺场，一于要入去探下路先，我地等左十分钟左右终于入到去啦，餐厅布置好有feel, menu 上有好多款式既食物选择，刺身、寿司、锅物。。。 连茶渍饭都有，睇过深夜食堂既我，一路都好想试下茶渍饭，于是拣左个梅子茶渍饭，豆腐野菜锅，九州拉面同日式蒸蛋。最先上既系豆腐野菜锅，材料份量都好足，仲有粗身既粉丝垫底，佢一滚起我就快手毕左碗汤饮饮先，好清甜，豆腐有豆味，都算嫩滑，估计应该系来自日本既豆腐，个底仲有点煎过既印印～～九洲拉面汤底唔会太咸，系我钟意既浓厚滋味，叉烧好厚，个边边仲带点焦，拉面爽滑，加埋只卤糖心蛋都几好味。食蒸蛋真系要好小心，因为相当热，我小心翼翼咁sir 左啖蛋入口，发觉佢仲滑过豆腐而且入面有好多料，有鱼板，香菇，银杏，元茜等等，一路食一路寻宝咁。最后终于到我好期待既茶渍饭，学日本人咁放到最后先食，餐厅都几得意，放粒wasabi 系碗边，另外仲有一小兜米通，我怀著期待的心情食啖饭，觉得口味好清爽，我而家明点解日本人钟意食饭饮酒后整碗茶渍饭，食左个人暖和又舒服~黎居酒屋食