夜燒站

营业中

休息中

系荃湾想食宵夜嘅话，一定要黎依间夜烧店。佢由中午开到凌晨12点，专门食串烧，唔怕夜晚冇著落。串烧分别有猪、鸡、牛、羊、海鲜、蔬菜，仲有饭面、炸物等等。特别推荐鸡肉软骨棒，口感脆脆，仲附上蛋黄酱调味。野菜猪肉卷、猪肉荔枝卷，包得好扎实，估唔到猪肉同荔枝都咁夹。盐烧牛舌厚切，味道香浓。蒜葱封门柳肉味重，好香腍。蛋黄酱白蘑菇，蘑菇非常软熟。而另一个芝士流心蛋大啡菇热辣辣，上面铺上满满嘅流心芝士，劲邪恶~焗虾同埋青口都好鲜甜，青口上面仲淋上咗蛋黄酱黎烤添。烧鳗鱼肝好有特色，第一次食。吉列免治豚肉蕃茄，系蕃茄入面镶咗猪肉再炸，整得好精致。最后仲有明太子烧饭团同埋三文鱼炒饭，饭团焦脆，明太子香甜。炒饭有唔少三文鱼同鱼籽，非常香口。