影片
更多
2024-09-07
2780 浏览
香港老字号茶记买少见少，真系要把握品尝到港式传统滋味嘅时光 。呢日下午茶就喺深水埗就食咗呢间茶餐厅，食咗多款驰名美食 🤤麻辣蛋牛治呢个系餐厅嘅名物，好多客人都系嚟食呢一份蛋牛治。呢次系我第一次帮衬，感到非常有惊喜。呢度嘅蛋牛治唔系用罐头咸牛肉整成㗎，而系用鲜牛肉剁碎，所以食到丝丝嘅牛肉🐮 食落口更加有口感，真系够晒真材实料。麻辣口味嘅蛋牛治可以话系全港首创，麻辣带点刺激，钟意食辣嘅朋友一定会钟意。呢份蛋牛治加埋烘底会更加正，记住过嚟试吓。夹心花生酱西多士呢一个卖相好特别，因为佢新鲜炸完出嚟胀卜卜，上面仲放咗一个心形嘅牛油💛 我哋仲额外加咗钱要夹心花生酱，加咗真系更好味😆 西多士虽然个面包唔算好厚，但系配埋个馅料就啱啱好，炸得劲脆，加埋糖浆就Perfect🍯主食见到餐厅除咗有面包类嘅产品，都有啲主食。♦️咖哩牛脷捞公仔面公仔面嘅份量都几大个，牛脷厚身又大大片，整得好软腍，入口会比块牛脷溶化🐮 餐厅用上港式嘅咖喱作酱汁，酱汁唔会太过多，但用嚟捞面份量几够♦️鲜虾云吞面入面有四粒大大粒粒云吞，仲食到入面有原只虾仁同埋猪肉馅料🐷 我觉得呢个价钱真系性价比好高👍🏻小食食完两个主食之后，食过返寻味，仲
麻辣蛋牛治
呢个系餐厅嘅名物，好多客人都系嚟食呢一份蛋牛治。呢次系我第一次帮衬，感到非常有惊喜。呢度嘅蛋牛治唔系用罐头咸牛肉整成㗎，而系用鲜牛肉剁碎，所以食到丝丝嘅牛肉🐮 食落口更加有口感，真系够晒真材实料。麻辣口味嘅蛋牛治可以话系全港首创，麻辣带点刺激，钟意食辣嘅朋友一定会钟意。呢份蛋牛治加埋烘底会更加正，记住过嚟试吓。
夹心花生酱西多士
呢一个卖相好特别，因为佢新鲜炸完出嚟胀卜卜，上面仲放咗一个心形嘅牛油💛 我哋仲额外加咗钱要夹心花生酱，加咗真系更好味😆 西多士虽然个面包唔算好厚，但系配埋个馅料就啱啱好，炸得劲脆，加埋糖浆就Perfect🍯
主食
见到餐厅除咗有面包类嘅产品，都有啲主食。
♦️咖哩牛脷捞公仔面
公仔面嘅份量都几大个，牛脷厚身又大大片，整得好软腍，入口会比块牛脷溶化🐮 餐厅用上港式嘅咖喱作酱汁，酱汁唔会太过多，但用嚟捞面份量几够
♦️鲜虾云吞面
入面有四粒大大粒粒云吞，仲食到入面有原只虾仁同埋猪肉馅料🐷 我觉得呢个价钱真系性价比好高👍🏻
小食
食完两个主食之后，食过返寻味，仲想嗌多两个小食嚟过吓瘾。
♦️麻辣酥炸云吞
一份有五粒，馅料同头先嘅鲜虾云吞面一样，钟意食辣或者食唔到辣嘅朋友都可以试，因为麻辣酱汁系另上嘅🌶️
♦️麻辣牛爽脷
呢个都系我几推介嘅小食，牛脷今次系切粒上，但系个质地都系偏软腍，麻辣酱汁非常惹味，呢间餐厅嘅麻辣真系做得几出色👅
饮品
嚟到呢啲港式餐厅，一定要嗌返杯奶茶啦，呢杯冻奶茶嘅茶同奶嘅比例啱啱好，唔会好涩☕️ 传统红豆冰同埋黑白凉粉冰，呢两杯都用上花奶，而且红豆同埋凉粉嘅份量都好多，餐厅都好抌本🫘 最后试咗一杯比较少见嘅凤梨冻柠茶，除咗传统嘅冻柠茶之外，入面仲加咗一片片嘅凤梨，估唔到个配搭几新颖，几有新鲜感🍍
呢间茶记真系可以话系平靓正，一定要试佢哋嘅麻辣蛋牛治🥪 呢啲港式经典一定要多啲支持啊💪🏻
张贴
