聚來車仔麵

营业中

休息中

今日想同大家介紹吓深水埗小店，本身想試依間店係因為佢有個爆漿西多士，睇落勁吸引！之後試埋佢其他嘢食，發現又抵食又好味。招牌芝士粟米煎餃 $37呢款煎餃大推，有啲後悔淨係嗌咗六粒🤣。煎餃每粒都煎到金黃色，表面非常酥脆。而且粒粒煎餃都脹卜卜，好飽滿，入面勁足餡。芝士份量好多、好澎湃，味道濃郁。粟米脆口、好甜。蒜泥白肉 $30蒜泥白肉有好多塊，腩肉切得幾厚😋。蒜泥用上生蒜，香得嚟又帶點辣，好惹味。同埋我鍾意佢唔會攞油浸，食落冇咁大負擔，唔會成口油。爆漿阿華田西多士 $37西多士睇落真係好吸引，一切落去啲甜奶醬即刻流晒出嚟。西多士好脆，好香口。中間仲夾住咗朱古力榛子醬，nutella味超濃郁，好甜，好好味！三餸車仔麵 $45三個餸分別揀咗瑞士雞翼、蘿蔔同芝士腸。麵底就揀番薯粉，再配腩汁。番薯粉滑捋捋，帶點煙靭感。瑞士雞翼好大隻好入味。蘿蔔份量多，好清甜甜。芝士腸會爆芝士醬😋。另外，每碗麵都會配有蔬菜～凍檸茶凍檸茶茶底香濃，清爽解膩。