聚來車仔麵

营业中

休息中

今日想同大家介绍吓深水埗小店，本身想试依间店系因为佢有个爆浆西多士，睇落劲吸引！之后试埋佢其他嘢食，发现又抵食又好味。招牌芝士粟米煎饺 $37呢款煎饺大推，有啲后悔净系嗌咗六粒🤣。煎饺每粒都煎到金黄色，表面非常酥脆。而且粒粒煎饺都胀卜卜，好饱满，入面劲足馅。芝士份量好多、好澎湃，味道浓郁。粟米脆口、好甜。蒜泥白肉 $30蒜泥白肉有好多块，腩肉切得几厚😋。蒜泥用上生蒜，香得嚟又带点辣，好惹味。同埋我钟意佢唔会攞油浸，食落冇咁大负担，唔会成口油。爆浆阿华田西多士 $37西多士睇落真系好吸引，一切落去啲甜奶酱即刻流晒出嚟。西多士好脆，好香口。中间仲夹住咗朱古力榛子酱，nutella味超浓郁，好甜，好好味！三𩠌车仔面 $45三个𩠌分别拣咗瑞士鸡翼、萝卜同芝士肠。面底就拣番薯粉，再配腩汁。番薯粉滑捋捋，带点烟靭感。瑞士鸡翼好大只好入味。萝卜份量多，好清甜甜。芝士肠会爆芝士酱😋。另外，每碗面都会配有蔬菜～冻柠茶冻柠茶茶底香浓，清爽解腻。