四十一冰室 (已結業)

今日去行美荷楼， 上网search到呢间冰室环境几好， 十二点零嚟到， 先喺度食个lunch。间冰室好大， 用框分隔多格，每格可放唔同size嘅枱， 二人， 四人， 甚至坐得六至八人嘅长枱都有。 有唔同特色墙:卡通画， 旧黑胶碟，花码牌.....。 叫咗个什锦素菜香草忌廉汁扁意粉 ，另外一个英式全日早餐 ，包汤 。但系餐饮要加$8. 自己先到售票处买票， 然后畀个牌你，当食物预备好，牌叫就自己出去攞嘢。 一齐去买两个都系饮冻柠茶， 点解先嚟咗一个嘅 等咗大概十五分钟， 英式全日早餐 有啦。 再等多大概五分钟 什锦素菜香草忌廉汁扁意粉都有啦。 今日系闲日，得𠮶四五张枱有客， 点解要等咁耐嘅？ 个汤唔得，汤上面有层油。食物都ok， 意粉嘅忌廉汁恰到好处， 唔会太浓。嚟呢度主要系食环境， 扮下文青咁话啦😉