雪山冰廳

营业中

休息中

雪山冰厅已经好耐历史，但系好耐历史唔代表唔好食，相反，呢度既菜式都几多元化，除左最传统港式茶餐厅既菜式之外，仲有汉堡、喇沙、咖喱、酸菜鱼呢啲食，而且系都系好食既！好难得🤩好想疯狂黎呢度食，食晒佢menu啲嘢食！  1⃣️始祖椒盐猪扒饭（炒底）（$62）劲邪恶呢个😍首先炒饭底啲饭炒得粒粒分明，有蒜香味，仲有啲辣椒粒炒埋一齐，劲惹味🤤然后猪扒大大件，有椒盐香，成碟饭真系够晒重口味好正👍  2⃣️槟城叻沙掺掺（$58）呢个系特餐黎，仲有跟樱花虾炒蛋同埋丹麦多士。蛋炒得几滑，有好多樱花虾系上面😋然后丹麦多士超香牛油味，烘得够脆。掺掺系油面沟米粉，两种唔同既口感。汤底重椰香味，望落好似好红咁，但系食落唔算辣，配料好多，有鱼片、豆卜、虾🦐成个餐好抵食！