影片
更多
2023-03-01
253 浏览
墙上写住「有缘相聚 欢迎再来」，认识呢间餐厅的确系缘份牵引，亦都真系令我不停再去！ 有日嚟开呢头系想试附近一间好出名嘅饺子店，点知冇做足功课遇著休息，非常失望之际都要揾嘢食，经过呢间见门口餐牌话有饺子，就求其啦是但啦走入去。 环境好普通似一般茶记，但好光猛，亦好干净企理，连餐牌都整得好光鲜唔会融融烂烂，比人用白板笔自己写，抹干净就可以再用，几欣赏小店都有呢啲心机。 （以下系集合咗几次用餐体验，并非一次过食晒）首先要讲就一定系饺子，10级惊喜🤩款式虽然唔多，有韮菜猪肉、椰菜猪肉同埋芝士粟米（冇肉，只限煎饺），可以拣汤或煎，亦可以双拼。我次次都系食煎饺，几只味都试过晒，质素好稳定，次次食都超正！一上枱见到只只煎饺都系金黄色，颜色好均匀，视觉上已经好吸引，咬落去热辣辣，个皮好脆，但一啲都唔油腻👍🏻馅方面，两款肉饺都劲多肉汁，系咬落去会爆出嚟咁多，菜都好香好多，调味唔咸🤤至于芝士粟米饺，芝士浓但粟米甜，仲加咗洋葱粒令到更香，又唔腻，真系款款都好正😋有次忍唔住问店员，佢哋话啲饺系自己包，猪肉要拣半肥瘦，完全冇谂过一间咁平凡嘅小店都会咁有心机👏🏻 辣菜甫都值得点评一下，唔系死辣，亦都唔系太咸，食得
有日嚟开呢头系想试附近一间好出名嘅饺子店，点知冇做足功课遇著休息，非常失望之际都要揾嘢食，经过呢间见门口餐牌话有饺子，就求其啦是但啦走入去。
环境好普通似一般茶记，但好光猛，亦好干净企理，连餐牌都整得好光鲜唔会融融烂烂，比人用白板笔自己写，抹干净就可以再用，几欣赏小店都有呢啲心机。
（以下系集合咗几次用餐体验，并非一次过食晒）
首先要讲就一定系饺子，10级惊喜🤩款式虽然唔多，有韮菜猪肉、椰菜猪肉同埋芝士粟米（冇肉，只限煎饺），可以拣汤或煎，亦可以双拼。我次次都系食煎饺，几只味都试过晒，质素好稳定，次次食都超正！一上枱见到只只煎饺都系金黄色，颜色好均匀，视觉上已经好吸引，咬落去热辣辣，个皮好脆，但一啲都唔油腻👍🏻馅方面，两款肉饺都劲多肉汁，系咬落去会爆出嚟咁多，菜都好香好多，调味唔咸🤤至于芝士粟米饺，芝士浓但粟米甜，仲加咗洋葱粒令到更香，又唔腻，真系款款都好正😋有次忍唔住问店员，佢哋话啲饺系自己包，猪肉要拣半肥瘦，完全冇谂过一间咁平凡嘅小店都会咁有心机👏🏻
辣菜甫都值得点评一下，唔系死辣，亦都唔系太咸，食得出加咗蒜，夹落啲煎肉饺度食好惹味😎
招牌煎鲜饺子
30 浏览
0 赞好
0 留言
另外一样试过嘅就系葱油鸡扒饭，除咗鸡排做主菜之外，肠仔、煎蛋同火腿之中可以拣两样，都几满足到贪心嘅心态🤣整体算系唔错，豉油汁甜甜地，葱油都香，不过鸡扒虽然唔鞋但又未到好出色，午餐要饱肚嚟讲都系ok嘅选择～
呢度仲有个甜品好出名，就系爆浆阿华田西多士，听个名都够晒邪恶，我仲加咗钱要Nutella，肥得彻底啲😂啲阿华田粉完全覆没咗成份西多，一切落去个花奶池就泻出嚟，视觉上都几震撼🤩食落唔算太甜，不过都系未到惊艳级，间中过下瘾就好了。
整体嚟讲，我觉得呢间小店系几有心思，超越期望，净系食饺子我都可以不停回头再回头😝
*****
多quota评价：😋Quota花得值
🥟煎饺独立比🤤爆quota都食
(🤮<☹️<😐<😋<🤤)
张贴
