Poking

过完个新年肥左劲多，要努力减返磅先得今日系上环做完gym，想唔食野就算减下肥，但系又真系好肚饿顶唔顺，唯有拣返啲轻食最后就拣左黎呢间Poking，主打日式健康丼饭，岩晒减紧肥既我黎打卡亦都一流！入面环境好清新光猛，仲有大大盆龟背草，好靓！丼饭选择有鱼生饭、鳗鱼饭等等，最正系每个item都可以自选：饭定沙律、多酱少酱另上、其他配料，基本上所有丼饭都可以自由配搭，中意食咩就食咩呢个鸡扒饭配搭埋鲜虾，加上甜甜菠萝同其他配料成个饭好多色彩劲靓底下一半系沙律菜，一半系珍珠米，够晒健康又好味鳗鱼优配兰王蛋，只蛋仲要系流心蛋鳗鱼汁同蛋黄捞埋落啲饭到劲入味鳗鱼亦唔会煮到淋晒，食落仲有啲咬口，好食！不论系味道定系卖相呢到都好出色，黎打卡都抵呀