Lemongrass (已結業)

呢日喺奥海城行完街便嚟呢间泰国嘢 lemongrass 食饭～餐厅入面都几有气氛，木质嘅装饰仲几有泰式风情～叫咗两杯特饮 — 菠萝冰同蓝蝶花椰果冰。蓝蝶花椰果冰超靓，紫色渐变色咁好梦幻，饮落完全唔甜，旁边仲配一小杯青柠汁，可以自己调较酸度。菠萝冰亦好清凉，捞咗汽水都唔算好甜，菠萝都好新鲜，开胃。粉丝都颇大份，仲落咗唔少蟹肉同馅料，呢碟几适合唔食辣嘅人，但个人就觉得加少少辣酱会更惹味喇～制作米纸卷嘅湿度同技巧都好重要，先可以做出呢度柔软而烟韧嘅质感，配埋专用嘅甜酸汁非常好食。惟馅料有啲碎，软壳蟹好易跌出嚟。串烧火候控制得几好，鸡肉唔㶶唔韧，配上沙嗲酱最滋味～呢度嘅食物款式都唔少，而且有啲仲做紧特价/半价优惠，好抵食，下次都要带多啲朋友嚟一齐食～