斑蘭

营业中

休息中

行过element, 见到有间装修得几靓嘅新餐厅，原来系食星马fusion 菜，menu d 相好靓。样样都想试，所以拣了2人餐。$688 又有饮品又有甜品。鲜拆蟹肉牛油果沙律配手工米纸脆片🦀 脆片够薄又脆，加上蟹肉牛油果。味道好夹。沙律菜够新鲜，味道够清新。春卷春卷皮够薄。炸到好脆，春卷馅够多料。有粉丝、猪肉、红萝卜丝等。。食落口外脆内软。点埋个酸甜酱汁好好食。自家手打泰式五彩虾饼🍤 虾饼超脆。外层有5彩星星脆片包住。所以令到虾饼脆上加脆。虾肉够新鲜弹牙，点埋个甜酸酱更加好食。海胆酱三文鱼籽带子意大利面🍝呢个fusion 意大利面，每条面都沾上海胆酱汁。钟意食海胆嘅就啱晒。再加上4大粒带子，煎到刚刚好，意大利面再铺上食用花。卖相靓之余又好食。伯爵忌廉牛角包窝夫伴蓝莓雪糕🥐而家好兴食呢款甜品。呢间牛角包做得够脆。面上嘅 Cream 够细滑又唔太甜，兼有小小伯爵茶味，配埋雪糕一齐食，口感味道都出色。果茶🍹果茶内有好多菠萝粒。饮完可以食埋d生果,够清新。