北方餃子源 (榮華商業大廈) (已結業)

病到冇胃口但又要食药，想食热嘢，拣咗呢间。去亲新店一定叫基本款，拣咗白菜猪肉饺面。前菜有腌渍酸菜。店方用清水汤底，一定对自家出品非常有信心。面虽然唔够粗，但食落几弹，是我喜爱质感。饺子皮好薄，折口位都冇过厚，肉涵松软刚好，调味唔错。由于汤底冇味，用酸菜送口还可以，冇过咸过酸都几好。豆浆正常味道冇过甜。不过如果真系比较，隔两条街嘅“龙凤饺子馆”嘅饺子形象鲜明，登龙街嘅“面馆皇”就面条出色。呢度用清水煮真系争啲，自己买外卖用上汤煮应该唔错。