西關粥品 (已結業)

今日个肚唔太舒服，口淡淡又惊个胃顶唔顺，最尾都系选择食粥，今次试吓拣一间未食过嘅元朗粥品店 ，睇完食评之后觉得呢间几特色几吸引就嗌左。西洋菜陈肾咸骨粥 足底算绵滑，猪骨够咸啖啖肉，陈肾本来以为系大大粒，但原来切到好细粒，有少少失望，正常味道，陈肾食材嘅粥比较难食到，当过吓口引太耐冇食过，值得一赞系非常多西洋菜感觉好健康好清肠胃。西关艇仔粥 朋友碗艇仔粥都试左几啖，非常多料 比较特别系有油炸鬼、同煎香嘅鱼肉。牛腩肠粉 有五旧牛腩，牛腩味好浓郁，质地唔系林身但又未至于太韧，肠粉系铺满牛腩汁入晒味，睇食评讲到肠粉皮几出色，不过食完觉得味道有啲似陈村粉，唔滑，失望，但连埋牛腩食味道都不错。