甘甘好蔗 (已搬遷) 新店位置

旺角食完晚饭,经过肥姐附近见到有间新店,主打蔗汁饮品店。朋友本身好钟意蔗汁,每次去饮品店见到甘蔗青茶都一定会点。见到甘甘好蔗有十多款唔同蔗汁饮品,朋友话一定要试下。最后叫左蔗杯白桃&蔗杯蜜瓜。因为饮品都无额外加糖,所以唔洗拣甜度,但可以拣冰度。蔗杯白桃($32)落完单见到店员即榨蔗汁,唔系预先整好,保证新鲜。白桃肉分量好多,饮落好清甜,好天然。蔗杯蜜瓜($34)蔗杯蜜瓜同白桃唔同, 蜜瓜肉系打烂,所以饮落好浓蜜瓜味,估唔到蜜瓜同蔗汁都可以夹到。饮落好fresh,仲可以食得到丝丝蜜瓜肉。依加买一杯饮品就可以抽奖,有机会饮多杯。虽然今次抽唔中,但下次经过我都会再试下佢其他饮品。