影片
更多
2019-09-03
47 浏览
今日同成家人黎火荟打边炉，距离地铁站大约5分钟路程，但唔算难揾。呢间火锅店除左有唔同款式嘅汤底之外，仲有刺身同海鲜，食物都几丰富。我哋嗌左一份松既刺身拼盘，卖相好吸睛，包括北寄背、甜虾、三文鱼、鲍鱼、带子等等，份量十足，而且好新鲜，唔会有雪藏同腥味，尤其系甜虾好鲜甜。我地点左椰子鸡煲汤底，会先食左鸡件同饮汤先，之后再加汤打边炉。汤底系非常非常鲜甜，系好清甜好舒服既椰子香，鸡件吸收晒汤底既精华，唔需要额外加任何酱汁都好够味。就算后黎加咗汤之后，汤底都唔会变得太淡，煮完既每款食物都有椰子味。手切肥牛同样好足料，望落去系一个牛肉山，适合够人一齐开心 share。牛肉轻轻一渌就食得，肉味都几重。我系好钟意食蚬，蚬肉多汁，有少少咸香既海水味，鲜味十足。呢度仲有我最钟意嘅芝士狮子狗，平时系吉野家打边既芝士竹轮得两旧，我成日都嫌唔够喉，黎到呢度终于可以食返够本！一咬落去，热辣辣嘅芝士涌出，好香甜。呢度仲有平时少见嘅番薯粉，口感Q弹，配埋呢个椰子鸡汤底好夹。呢度嘅炸鱿鱼须小食非常出色，食落一啲都唔油腻，香口又惹味，有啲似小时候喺酒楼食既炸鱿鱼须，好快已经俾我哋扫晒落肚。
我哋嗌左一份松既刺身拼盘，卖相好吸睛，包括北寄背、甜虾、三文鱼、鲍鱼、带子等等，份量十足，而且好新鲜，唔会有雪藏同腥味，尤其系甜虾好鲜甜。
我地点左椰子鸡煲汤底，会先食左鸡件同饮汤先，之后再加汤打边炉。汤底系非常非常鲜甜，系好清甜好舒服既椰子香，鸡件吸收晒汤底既精华，唔需要额外加任何酱汁都好够味。就算后黎加咗汤之后，汤底都唔会变得太淡，煮完既每款食物都有椰子味。
手切肥牛同样好足料，望落去系一个牛肉山，适合够人一齐开心 share。牛肉轻轻一渌就食得，肉味都几重。
我系好钟意食蚬，蚬肉多汁，有少少咸香既海水味，鲜味十足。
呢度仲有我最钟意嘅芝士狮子狗，平时系吉野家打边既芝士竹轮得两旧，我成日都嫌唔够喉，黎到呢度终于可以食返够本！一咬落去，热辣辣嘅芝士涌出，好香甜。
呢度仲有平时少见嘅番薯粉，口感Q弹，配埋呢个椰子鸡汤底好夹。
呢度嘅炸鱿鱼须小食非常出色，食落一啲都唔油腻，香口又惹味，有啲似小时候喺酒楼食既炸鱿鱼须，好快已经俾我哋扫晒落肚。
张贴
