影片
更多
2016-12-14
829 浏览
唔知点解，依个年代，人人都话好忙，其实，有时候喺唔知忙乜，尤其香港人，总喺冲冲冲，停唔到落嚟咁。但当真喺放慢脚步，停低咗，你又会做乜呢？其中一样，揾个好地方，叹个下午茶我就觉得最写意不过。柯士甸道近向漆咸道一段，非常静，行人唔多，位处近柯士甸路路口嘅Café Hillywood，喺一家处于地库铺位嘅餐厅，门面唔算显眼，好易唔觉意过门不入。但落到去又喺另一片天，开放式厨房就晌近门口处，地方非常阔落，一室以灰白配衬，加上一啲壁画、植物，颇有一派悠闲嘅咖啡室之感，仲几文青风。下午嚟到，稀疏嘅食客流，整个环境清静得紧要。餐厅无下午茶餐供应，但就有6款甜点作为Cake Set形式供应，基本上散点每客甜品要$45，但Cake Set只卖$68，另包一杯$50以下嘅饮品。不过，本来睇中一啲饮品，但过咗$50，问问喺唔喺可以补钱，但竟然喺唔得嘅，选择上好缺乏弹性！海盐焦糖挞卖相唔差，虽然，睇落挞面嘅朱古力慕丝有点干，但其实入口又几幼滑，朱古力味仲非常浓郁；下面有一层拖肥酱，因为做得薄薄，甜得嚟唔会太过份，挞壳亦比想像中松化。香蕉朱古力一层夹一层嘅香蕉蛋糕同香蕉果蓉，引发出嚟嘅香蕉味都几香浓突出，当然，
柯士甸道近向漆咸道一段，非常静，行人唔多，位处近柯士甸路路口嘅Café Hillywood，喺一家处于地库铺位嘅餐厅，门面唔算显眼，好易唔觉意过门不入。但落到去又喺另一片天，开放式厨房就晌近门口处，地方非常阔落，一室以灰白配衬，加上一啲壁画、植物，颇有一派悠闲嘅咖啡室之感，仲几文青风。下午嚟到，稀疏嘅食客流，整个环境清静得紧要。
餐厅无下午茶餐供应，但就有6款甜点作为Cake Set形式供应，基本上散点每客甜品要$45，但Cake Set只卖$68，另包一杯$50以下嘅饮品。不过，本来睇中一啲饮品，但过咗$50，问问喺唔喺可以补钱，但竟然喺唔得嘅，选择上好缺乏弹性！
海盐焦糖挞卖相唔差，虽然，睇落挞面嘅朱古力慕丝有点干，但其实入口又几幼滑，朱古力味仲非常浓郁；下面有一层拖肥酱，因为做得薄薄，甜得嚟唔会太过份，挞壳亦比想像中松化。
香蕉朱古力一层夹一层嘅香蕉蛋糕同香蕉果蓉，引发出嚟嘅香蕉味都几香浓突出，当然，食开香蕉蛋糕都知，唔似海绵蛋糕咁松软，但质感算唔错，至少唔会「干争争」；面层嘅朱古力酱虽然浓郁，但就干身咗啲，欠软滑。
鲜奶咖啡卖相拉得细致，味道亦都不俗，几醇香，但口感就麻麻，入口会觉得唔够「匀巡」，奶泡种顺滑未充分显出嚟。
菠萝香叶梳打望落去令人感觉清爽，友人话入口亦喺有份好爽朗嘅感觉，菠萝加萝勒，味道又几衬㖞。
环境确喺唔错，可能位置问题，下午真喺客唔多，显得更加幽静。食件饼，饮杯咖啡，唔使成日都要喺星巴克嘅。
张贴
