影片
更多
2016-12-25
707 浏览
表姨甥女卒之考晒试，所以，专登揾佢食番餐，知佢喜欢花茶，又喜欢窝夫，迁就番佢晌港岛依边放学，所以，拣咗几间心水，最后选址位于清风街嘅JL Cafe.Kitchen，睇过友人嘅食评，贪佢地方够大够阔落。踏进店内，环境真喺唔错，非常宽敞，白砖墙配原木餐枱，简约嘅布置，却又有唔少心思嘅配搭摆设。日头嚟，阳光透过落地大玻璃映入嚟，应该几有小清新嘅感觉，而晚上嚟到，利用壁灯，令餐厅显得有气氛，再者今晚人客唔太多，感觉更感恬静闲适。餐牌分两本，深啡色喺晚餐及所有散点菜式，包括前菜、意粉、小食、汉堡、热狗及薄饼。另一本湖水蓝色喺饮品及甜品，选择都颇多元化，有经典咖啡、JL特色咖啡、鲜奶饮品、茶品、沙冰，就连鸡尾酒、餐酒及生啤都有。而甜品主要分为窝夫、芭菲、木糠系列、芝士蛋糕及其他。我哋打算拣晚餐，因有唔少主菜菜式都啱食，晚餐包餐汤或头盘（2拣1）、主菜（5拣1）及餐饮，定价$158-$320，另外可加钱配甜品。意大利杂菜汤个杂菜汤好足料，酸香浓郁，饮落好醒神，有时见有啲餐厅会落意粉，小弟就唔太喜欢有意粉版本嘅意大利杂菜汤。巴马火腿凯撒沙律一客晚餐拣汤，另一客就自然拣沙律。凯撒沙律嘅基本材料：罗马生菜
踏进店内，环境真喺唔错，非常宽敞，白砖墙配原木餐枱，简约嘅布置，却又有唔少心思嘅配搭摆设。日头嚟，阳光透过落地大玻璃映入嚟，应该几有小清新嘅感觉，而晚上嚟到，利用壁灯，令餐厅显得有气氛，再者今晚人客唔太多，感觉更感恬静闲适。
餐牌分两本，深啡色喺晚餐及所有散点菜式，包括前菜、意粉、小食、汉堡、热狗及薄饼。
另一本湖水蓝色喺饮品及甜品，选择都颇多元化，有经典咖啡、JL特色咖啡、鲜奶饮品、茶品、沙冰，就连鸡尾酒、餐酒及生啤都有。而甜品主要分为窝夫、芭菲、木糠系列、芝士蛋糕及其他。
我哋打算拣晚餐，因有唔少主菜菜式都啱食，晚餐包餐汤或头盘（2拣1）、主菜（5拣1）及餐饮，定价$158-$320，另外可加钱配甜品。
意大利杂菜汤个杂菜汤好足料，酸香浓郁，饮落好醒神，有时见有啲餐厅会落意粉，小弟就唔太喜欢有意粉版本嘅意大利杂菜汤。
巴马火腿凯撒沙律一客晚餐拣汤，另一客就自然拣沙律。凯撒沙律嘅基本材料：罗马生菜、烟肉碎、烘面包粒、芝士碎都包含在内，但拆散嘅造型、并以巴马火腿卷起对生菜就几有新意，不过食起上嚟就有少少「拿搞」。但食得出用料不赖，生菜又脆又甜，啲火腿落得无手软，而且，油润甘香！
晚餐嘅主菜有5款，我哋拣咗两个中价位嘅，分别一客意大利饭及一客意大利珍珠面，后者都喺第一次试，颇特别。
炸软壳蟹蕃茄意大利饭 $188对意大利饭确喺有少少偏爱，所以，拣咗炸软壳蟹蕃茄意大利饭作为其中一份主菜，橙红色嘅意大利饭，湿润而充满蕃茄酸香味，𠮶份酸香喺鲜活嘅蕃茄香味，唔喺茄酱、茄膏𠮶种味；不过，饭粒以我个人而言，有些微煮过火，虽仍有点点咬口感，但近乎软熟𠮶种。至于软壳蟹，有两大只，炸得香脆，咬落又唔油，好食。
香煎加州鲈鱼配意大利珍珠面配芒果牛油汁 $258曾经晌Fiat Caffe食过一道米形意粉，今回所尝嘅珍珠面，跟米形意粉有异曲同工之妙，因为两者本身就喺意粉嘅质感，只喺形状有别而已，食落咬咬口口，的确几得意。而件鲈鱼煎得上乘，皮脆肉嫩，好有鱼味，配上芒果牛油汁，衬上鱼肉，好有种相得益彰嘅效果。不过，鲈鱼份量唔多，男生可能唔够饱，感觉定价都似乎有点高。
香煎加州鲈鱼配意大利珍珠面配芒果牛油汁
$258
13 浏览
1 赞好
0 留言
水果花茶 +$20表姨甥女甚爱花果茶，所以，要咗水果花茶，透明玻璃壶内，除咗花菜3叶，就放满唔同嘅水果，概略望望，有士多啤梨、荔枝肉、苹果……等等，茶中渗出阵阵果香，几有舒缓精神嘅感觉。添水冲多一两泡，味道仲叫OK㖞。
焦糖拿铁咖啡 +$20佢爱花茶，小弟就喺咖啡粉丝，单睇拉花已赏心悦目，杯面拉出一朵玫瑰加一只天鹅，纹理细腻，无花无假真功夫。奶泡跟浓缩咖啡撞得平均而绵密，所以，入口顺滑感强，醇香中又渗出焦糖香，果然具质素。
炼乳士多啤梨窝夫 $68都讲明表姨甥女钟意窝夫，所以，虽然晚餐可以加少少钱换啲迷你甜品，但点都唔及点一客窝夫嚟满足佢嘅心瘾啦，拣咩口味就由佢发办。炼乳士多啤梨口味，都有啲冷门，就即管试试。份量比一般嘅多，除了好多士多啤梨之外，杂莓雪糕球都俾到两球。窝夫嘅松软度唔错，但老实讲，蛋味就一般般，幸而炼乳配士多啤梨嘅效果唔错，酸酸甜甜，而且，啲杂莓雪糕酸香莓味十足，拼埋一齐确喺几好食，$68依个定价都确喺物有所值。
唔好话一街之隔，都唔知点解只喺一弯之隔，电气道就好旺，但转个小弯嘅清风街，静得紧要。就好似今晚嚟到JL，环境阔落地方大，悠闲舒服，食物做得用心有水准，定价亦合理，但就唔知何解人气咁弱。所以，如果想同朋友食餐好，又想迤住慢慢倾偈，JL绝对喺个上佳嘅选择。
张贴
