Poking

Poke在夏威夷当地有「切块」的意思，也是指一种料理生鱼片的方法，腌生鱼盖饭就系叫做Poke Bowl。香港唔系好多地方有高质poke bowl，估唔到上环苏杭街就有一间高质嘅。地方细细但系干净企理，采用日式风格装修，都不愧为轻松嘅食饭好地方。今日就拣咗signature bowl 中嘅creamy baby.Creamy baby 有三文鱼鱼生，三文鱼子，鸡蛋丝，青瓜，牛油果，木鱼丝，沙律菜，糙米饭，豆腐，沙律酱。食材都新鲜好味，成碗poke bowl啱啱好一人份量。当然啦，如果你觉得唔够可以再加食材。开头以为糙米饭加沙律菜会好奇怪，但系其实夹落个味道，清新可口。成碗饭都包含咗成年人，一日必须要吸收嘅营养，包括奥米加3，蛋白质，膳食纤维⋯⋯低油、低盐、低热量，营养也相当均衡，减肥嘅OL必食之选。