森屋

营业中

休息中

食咗呢间餐厅四年几，其实每次都觉得好好食，所以唔明白之前系咪有啲打手写衰呢间餐厅，因为呢间餐厅嘅服务一向都好有礼貌，同埋啲嘢食好好食，系一间有温度的餐厅☺️几年前食完饭嘅时间，撞正疫情，间间餐厅都冇客人，但系当时呢间餐厅都保持水准，薯仔牛肉令我谂起屋企煮嘅饭，而火炙牛肉亦非常之好食。几年之后，转咗几份工，旧地重游，lunchtime 有好多客人喺度食嘢，而我亦都叫咗一份以前好钟意食嘅薯仔牛肉，果然都系以前𠮶种味道，甜甜地，啲薯仔非常之入味，啲红萝卜亦都非常之甜，三爬两拨，就用啲汁送埋啲饭成碗食晒。另一个值得要赞嘅地方系，当时非常多客人，餐厅好迫，侍应安排咗我去坐一张四人枱，当时系有另外一个顾客的；后来，该名食完顾客走咗，又嚟咗两个顾客坐隔篱，即系我张枱仲有一个吉位，餐厅外面嚟咗一大班客人，曾经有人问可唔可以安排两个人坐过嚟，叫我调位，但系侍应立刻就细细声回应话，唔得，因为客人食紧饭🤩总而言之，我真系好钟意食森屋，希望呢间小店可以继续生存落去，有多啲人识欣赏😙