Made in HK Restaurant (已結業)

自从报咗咖啡拉花班之后，好多时都系旺角呢边食饭。今日上完堂就拉埋同学一齐行下朗豪坊医肚，睇场戏。因为系门口俾呢个巨型扭蛋机吸引住，就入去开餐了。原来做紧新MENU推广，所以先有咁大个扭蛋机。因为开始时唔算太肚饿，所以都系单点咗几样就够了。酥皮忌廉汤。用料好足之余酥皮好松脆，加上忌廉汤够杰身饮落暖暖笠笠。金沙薯条。酥脆嘅薯条被炒得香浓嘅咸蛋黄酱包裹住，食落香口惹味又唔算好油腻。作为餐前小食恰到好处。龙虾配肉眼扒。龙虾大大只而且用上大量芝士千岛酱焗制，油脂渗透入虾肉度，食落唔干身而且啖啖肉。牛扒五成熟恰到好处，油脂唔会劲多而抢咗牛肉味。加上份量真系几大两都人分享食先清得晒。士多啤梨热情果/青柠薄菏梳打，两杯都系清爽酸甜嘅味道，好开胃。而且果香味中和牛肉同意粉嘅饱济感，感觉唔错。食到一半先落单送上时间啱啱好，清一清味道再食过。鲜鱿筒伴意粉。鱿鱼一开始以为会韧同干身但点知食落又几腍滑㖞，焗完之后再用火炝再烧表面，多咗一阵焦香味令淡口嘅鱿鱼肉更好食。意粉就唔算特别不过胜在份量又系好多，啱晒大食人士即系我地，哈哈哈。食食下发觉唔够饱，再追加一个牛柳焗饭。可能天气寒嘅关系都系需要一啲饭落肚先得。牛柳