大家食

营业中

休息中

记得读书时代，因为零用钱唔多。。所以成日帮衬大家食嘅茄蛋牛肉饭😂😂直到大个左出黎做野，已经好一段时间无再黎过呢间大众化嘅大集汇了！人大左，慢慢演变成喜欢食麻辣米线嘅港女😌亦因为麻辣，所以，我回来了。相比起走遍各大连锁米线集团，呢度嘅𩠌菜，款式比较多，类别亦比较广。。而且𩠌菜嘅名，都好特别架:绝招肚，状元骨。。等等。令我忍唔住问服务员呢啲系咩嚟㗎。最后我拣咗炸鸡翼，竹笙，紫菜。。而最吊诡嘅就系连餐肉煎蛋呢种咁茶记feel嘅美食都有得拣！真系一次过满足晒几个愿望。。而最特别嘅就系削摇面！单单系呢个名已经吸引左我！平常食开嘅薯粉，米线。。已经无咩新奇。。难得今次可以用麻辣汤底配上唔同嘅面底。。真心满期待的。 我嘅午餐终于到喇！ 阔阔嘅面条足足有1.5cm咁长。。放入口，面条嘅弹牙并无喧宾夺主，抢去麻辣嘅风头！相比平日食开嘅四川米线，呢度嘅麻重于辣！感觉唔错的。 今次最惊喜系食到餐蛋麻辣刀削面之余， 仲可以食到港式快餐炸到超级干身嘅炸鸡翼！以后港女嘅午餐，多个选择。