輕鬆一下 (已結業)

系葵涌广场行街行攰左，想揾个地方坐底休息下，食少少野，依间轻松一下绝对系一个好选择，而且亦都好岩一个人去食。🤔🥢🥄去到见到多数人面前都有一份煎酿三宝同埋一碗碗仔翅/生菜鱼肉。所以我都嗌左份煎酿三宝同碗仔翅试下。🐟1️⃣煎酿三宝我就嗌左红肠、鱼蛋同豆腐。三宝上既时候系热辣辣既。一开始我想叫蕃薯，店员就同我讲蕃薯依家炸紧，要等耐啲先有，所以我就叫左其他。鱼蛋同豆腐系必食，热辣辣，而且豆腐大大旧，中间又软又滑，好抵食。🤤(我去食既时间系夜晚9点几，可见轻松一下并唔会因为系夜晚就直接话卖晒，而系会继续整啲新鲜既比人食👍👍)2️⃣碗仔翅完全系我依排食过既碗仔翅入面最足料既(没有之一)。每一啖都充满左冬菇、粉丝、鸡丝/猪肉丝，超级真材实料，而且只需22蚊。