雪山冰廳

营业中

休息中

一直对港式食物抱有好感，放工经过深水埗就拣咗呢间冰室食晚餐。一入去见到装修几靓，充满怀旧冰室味道，而且空间感大，唔会有逼夹嘅感觉~一开始叫咗个爆馅葱花蛋牛治，个蛋牛治令我好惊喜，佢入面够足料，葱花蛋同免治牛肉极厚身，而且三文治系烘底，食落去够脆，质素唔错~配埋杯樽仔奶茶味都几夹，杯奶茶唔会太甜，奶同茶嘅比例都啱啱好，够香醇够滑，樽仔都方便可以拎走饮~之后叫咗鲍鱼福建炒饭，瑶柱金菇扒西兰花，XO酱大豆芽炒越式扎肉，鲍鱼福建炒饭好足料，有两只鲍鱼，而且个人比较钟意湿炒饭，每一粒饭都比酱汁包住，而且配料够多，最钟意食唔同嘅菇类，配埋炒鸡粒令整个炒饭更加完整~瑶柱金菇扒西兰花都好大份，西兰花够爽脆，炒得啱啱好，配埋瑶柱同埋金菇是一齐食味道啱啱好，唔会太浓烈，有清新嘅感觉~XO酱大豆芽炒越式扎肉味道有少少辣，够醒胃，大豆芽够爽脆，配埋越式扎肉一齐食有两种唔同感觉，可能因为刚刚炒起，好够镬气，感觉好满足~最后同行朋友叫咗杯华田曲奇妙趣，第一次饮阿华田配曲奇，觉得味道又几夹，甜甜地而且卖相都几靓，成功将阿华田改造😂