港原味 (已搬遷) 新店位置

港原味.港式地道小菜👍🏻👍🏻👍🏻近月因为疫情关系，真系少咗出街食饭。唯独有一间都令我留下几深刻印象嘅就系喺奥运站附近嘅「港原味」，餐厅应该新开业无耐，装修风格都几特别，有好多香港50-60年代嘅摆切，都几多打咭位。餐厅主要卖嘅菜式都系香港嘅地道菜。咁要试清楚个厨得唔得，就梗系要叫返几个佢哋嘅撚手小菜啦。同一般茶餐厅唔同，佢哋竟然系有前菜送埋，仲要系水晶肴肉，非常开胃！本来冇谂住叫例汤，因为以为系出面茶记𠮶啲味精水，但见隔离枱个汤又好似好正㖞，因为佢哋嘅例汤系一盅盅咁上，仲要非常足料!至于小菜我哋叫咗菜心炒牛肉同埋京都骨，我谂有整开嘢食嘅人都会知道京都骨要整得好食其实系好考功夫嘅！而呢度嘅师傅就真系整得好好，无论肉质，同甜酸度都控制到啱啱好。至于菜心炒牛肉，亦都非常足料，菜心系明显有拣过嘅，条条都炒得好分明！最后埋单每人都唔使$100 ，质素绝对比起其他茶餐厅好几倍，非常值得推介！