港原味 (已搬遷) 新店位置

今日行过奥运既街巷住揾下有咩新餐厅,原来附近开左个新楼盘叫利奥坊,楼下仲开左好多全落地玻璃既新餐厅.透过玻璃望入去见到一间港式餐厅里面既墙充满住好有香港特色既喷画,见到咁靓当然要支持返本土餐厅.入到去再问店员,原来喷画既来头都唔少架,系由俄罗斯画家亲自画.黄金鲜鱿,一上枱就闻到好浓既咸蛋黄味,外皮薄薄一层炸浆轻轻包住爽弹鲜嫩既鲜鱿.炸浆挂起沙沙咸蛋黄酱,入口内带咸酱黄粒,味道香而不腻.酱爆茄子,角切茄子软绵香滑,加上肉酱爆炒够晒获气.茄子吸晒肉酱既香味好惹味.是咁的三色蒸蛋同时间食晒3款蒸蛋口味,平时既三色蒸蛋系一碟上但呢到系真正将一碟分成三份.蒸蛋既蛋香味重唔会水汪汪咁,入唔够滑,加左豆腐虾仁最滑溜送饭超正.