豐味車仔麵

营业中

休息中

旺角呢间丰味车仔面喺屋企附近，所以今日过嚟试吓，入到去觉得佢嘅装修风格属于行怀旧风格，好有feel。咁啱佢哋原来做紧七周年优惠，所以会见到个碗𠮶度有免费两个字，佢哋原来每日会随机抽20位请佢哋食免费面，至于我究竟系唔系𠮶个幸运儿，大家可以估吓。🤣🤣🤣我哋叫咗两个面，一个系车仔面油面底蚝油冬菇，萝卜，鱼蛋同牛柏叶，叫咗腩汁小麻辣。觉得最好食系佢嘅蚝油冬菇，个冬菇朔晒蚝油味超好食，鱼蛋都弹牙。另一面就试咗佢哋嘅酸辣面配薯粉，呢个配猪红鱿鱼鱼肉春卷牛腩，因为怕辣所以都叫咗BB辣，我觉得佢个猪红好好食配埋佢个汤汁，薯粉偏腍唔算好硬𠮶种，不过对我嚟讲就啱啱好，因为都好怕啲薯粉好硬食完个胃好辛苦好难消化。嘢饮方面叫咗冻奶茶都ok。