皇后冰室

营业中

休息中

工厦楼上餐厅个名叫冰室，但系格调同食物我都觉得系cafe质素。观塘区平日就话多生意，开业短短几个月，星期六去都有唔少附近街坊捧场客。港西日风味只做午市同下午茶，但选择都算几广泛，仲有得加配前菜，食得更精致。第一次嚟就系食下午茶，价钱就比午市平，但依然超级多份量，唔知午市系一样定系更大份😂苏格兰烟三文鱼蚬肉刁草忌廉汁炒天使面 $49炒得够干身，唔会黐埋但又唔会油，蚬肉细细粒，但都增加咗口感，烟三文鱼滑身带少少咸香，点缀咗个炒意粉西西里鸡扒蛋包饭 $50略嫌个烧汁多咗少少，但个蛋包饭本身新鲜即整超好味，蛋皮薄身少少脆边，鸡扒煎得香又够弹滑香煎自家汉堡扒配黑椒汁 $45汉堡扒有三大块，厚身多汁，个黑椒汁偏辣系细细个食开茶餐厅味道即磨薯蓉焗法国田螺 $18田螺大大粒几弹牙，薯蓉偏干身唔系出面食开嘅蒜油味道，但落咗烧汁较易入口招牌自家制芒果布甸 $12因为钟意布甸狗，见到黑板画咗只咁靓嘅先俾面叫下，本身以为系茶楼水准，冇谂过佢系劲高质，入面劲多香甜芒果粒罗宋汤 $4唔辣唔油好多肉碎，肉碎偏瘦但都好食，抵加！