川熙樓 (已結業)

今日陪左朋友去婚纱街试婚纱，试完之后佢话想去食川菜，见到系婚纱街附近既君怡酒店新开左呢间川熙楼，咁就2个女仔黎试新野。雅致既装修，地方几大，但系座位唔系太多，所以坐得好舒服。点菜前，侍应已经奉上左壶茶俾我地，原来系苦乔麦茶，好清香。另外餐前小食有麻辣花生同埋醋莲藕。其实麻辣花生有D似我地平时系茶楼食既脆花生，不过因为佢用左辣椒炒过，所以会多左阵辣味，一粒接一粒食唔停。另外个醋莲藕酸酸地好醒胃，好爽口。口水鸡  $138/半只食川菜又点可以唔点口水鸡。器皿既外型好得意，好似一只放大版既匙羹。讲返只口水鸡，鸡肉好嫩滑，加上微微既麻辣香味，唔会话辣到难以入口。不过可惜半只真系无几多旧，下次应该要叫全只先得 XD椒麻盐水虾 $98果然不愧系招牌菜，每一只盐水虾都好爽口，虾肉有阵阵麻味，但系麻而不辣。而下面就铺满左青瓜丝，一黎可以做装饰，二黎如果客人觉得辣，又可以用黎解辣，一举2得。不过我试左一啖，略厌D青瓜太碎，所以无再食。麻辣牛肉面 $98/例呢个麻辣牛肉面就有D普通，相对我平时系其他川菜店食，呢个就有少少失色，面质唔系咁岩我口味 ><