麺屋飛丸

营业中

休息中

飞丸特盛拉面＄108呢一个拉面我拣咗盐味鸡白汤底， 依个汤底真系冇得顶！好香浓嘅鸡味～而且因为有好多料，所以汤底唔系好似平时街𠮶啲超级流质，好水咁。 不想来汤底嘅颜色系浅黄、奶白、津白色。 汤底一流！ 而且特盛拉面嘅慢煮鸡胸，因为系真系慢煮，所以咬落去一啲都唔韧好软熟。甜辣炸鸡（三件）＄24店员好好人提咗甜辣炸鸡真系会有啲辣，然后食落去就觉得系。 有啲似系谭仔三小辣嘅程度。 但系炸鸡嘅炸衣够薄，同埋温度适中，所以鸡肉里面仲保留咗好多肉汁。 如果试过第一啖觉得太辣嘅朋友可以加埋柠檬汁中和下，入口更加清新。豚角叉烧拉面＄88呢一款拉面就叫咗酱油鸡白汤底。 酱油同埋盐味都唔一样。 酱油有一份黄豆嘅香味， 而且同豚角叉烧好夹。 叉烧用咗火枪烧一烧过个表面，所以食落去有肉嘅赤烧香味。 拉面好大碗非常够食！特盛鳗鱼串＄38鳗鱼串应该用咗真嘅炭火炉炭烧过。 见到竹签嘅尾部系黑色嘅， 同埋鳗鱼有一面系烧到干脆， 好好味。鳗鱼嘅肉质香软、绵密扎实， 加埋用炭火烧咗嘅𠮶一面，口感好丰富。