蝦麵店 (海光街) (已搬遷) 新店位置

以前食过湾仔间虾面店，一直觉得麻麻地，但老婆系湾仔虾面店勇趸，唯有嚟鲗鱼涌呢间试下。一嚟开门侍应姐姐就话系门口出面部机买飞落order, 做乜搞到好似麦当劳咁，好多人咩？好彩无落雨，咁样落order一定湿晒。虽然侍应都会系旁边教下点落order，但唔明点解唔系入面坐低人手落order算？！结果都系order 咗两个虾面掺掺，加D配料 同青柠梳打。。。入到去都系得十几个位，坐低等咗5分钟就有得食，但一嚟到个碗大到好似个洗面盘咁，一试个汤，无乜虾味，试埋D虾，几啖掺掺，淡哞哞，D面多到可以食两餐，茶餐厅咁，食两啖已经想走。我老婆话湾仔个间好好多，我就觉得一样唔好食。最后去咗太古城food court食多餐！