座銀

营业中

休息中

星期六下昼两点去到，都要等10个人左右先入到去，不过好彩人流去得好快，只系等咗15-20分钟就入得。呢间店嘅餐牌只有三款拉面，我试咗其中两款。面条软硬适中，配菜有炸到好脆嘅牛蒂丝、洋葱、葱花，夹埋啲面一齐食口感好好。鸡肉同叉烧都嫩滑，系出色嘅。不过最重点都系个汤底，两款都好正！海鲜。鸡拉面 $138个汤底好浓，因为加入咗虾干、鱼干嚟煮，所以海鲜味好重，好味，但就略嫌咸咗少少。鸡白汤拉面 $138不愧为招牌菜，汤底好浓厚，又唔油腻，仲有啲似忌廉汤，真系好好味。餐厅仲特登用泡沫咖啡打泡法打出一层薄薄嘅泡，令到口感更加滑。绝对值得encore！棵木烟熏糖芯蛋 $15鸡蛋都做到流心效果，而且真系有烟熏味，唔错。座银炸鸡 $48个炸鸡外脆内软，鸡肉好嫩滑，上菜时仲热辣辣，不过略嫌油咗少少。