麵館皇

营业中

休息中

今晚放工去铜锣湾揾食，劲饿，天气又冻，好想食碗暖胃野～～行入登龙街，眼见食面嘅面店都有好多间，好难选择，夜晚7点几，见到有间小店唔太起眼，但好多人排队等位，一于试下～～等咗10分钟，一入到去已经闻到有浓浓嘅药膳味道，忍唔住要即刻落单。牛腩罐汤刀削面药膳汤底好正，药材味好够，牛腩炆得入味又够淋，即叫即做，砂锅上枱时仲系滚住咁。麻辣口水鸡罐汤刀削面口水鸡肉质滑嫩，肥瘦刚好，味道够晒惹味，正合本人口味，配上药膳汤底好夹，难怪Lunch同晚饭时间都咁多人排队！酥炸云吞卜卜脆，皮薄馅料够多，浸一下汤食几唔错！