影片
更多
2024-09-09
1838 浏览
一直都想试试餐厅嘅顺德私房菜，终于约齐家人，呢日过到嚟叫咗以下食物:螺头炖翅骨汤 - 炖汤用上螺头、翅骨、老鸡及猪肉等食材炖制，个汤好香浓好鲜甜，但同时又保持到好清，水准好高。冰镇鲍鱼配烧汁芥辣酱 - 鲍鱼个头唔细，食落爽口弹牙，很新鲜，配上惹味微酸攻鼻嘅烧汁，更能调出鲍鱼鲜味及令人开胃。怀旧虾多士拼大良炒鲜奶 - 呢个组合简直系顺德菜嘅经典，外面唔系好多地方可以食到，虾多士炸得香脆唔油腻，虾胶层好厚，食落弹牙鲜味，好出色。大良炒鲜奶第一啖已食到鲜奶香味，而且火喉掌握得很好，没有过老，系我食过最好嘅炒鲜奶之一。北菇扣鹅掌煲 - 北菇很厚很入味，但唔会过咸，鹅掌炆得好淋，入晒味之余，鹅掌还能保持完好，可见火喉时间都拿捏得好好。干煸野菌龙趸球粉丝煲 - 龙趸球好厚身，外层煎香，又吸晒啲姜葱味，食落啖啖肉，加埋索晒味嘅粉丝，整个煲都很有获气很香。古法瓦罉豉油鸡 - 豉油鸡肉质嫩滑多汁，而且很有鸡味，汁酱甜甜哋好惹味，啲汁拎嚟𩠌饭都好味。上汤浸时蔬 - 虽然看似简单，但食完就知不同之处，菜心很嫩很清甜，上汤浸完令菜心留有鲜味，加上少少火腿丝，为整道菜添上咸香，不错。招牌名门炒饭 - 炒饭很有获
螺头炖翅骨汤 - 炖汤用上螺头、翅骨、老鸡及猪肉等食材炖制，个汤好香浓好鲜甜，但同时又保持到好清，水准好高。
冰镇鲍鱼配烧汁芥辣酱 - 鲍鱼个头唔细，食落爽口弹牙，很新鲜，配上惹味微酸攻鼻嘅烧汁，更能调出鲍鱼鲜味及令人开胃。
怀旧虾多士拼大良炒鲜奶 - 呢个组合简直系顺德菜嘅经典，外面唔系好多地方可以食到，虾多士炸得香脆唔油腻，虾胶层好厚，食落弹牙鲜味，好出色。大良炒鲜奶第一啖已食到鲜奶香味，而且火喉掌握得很好，没有过老，系我食过最好嘅炒鲜奶之一。
北菇扣鹅掌煲 - 北菇很厚很入味，但唔会过咸，鹅掌炆得好淋，入晒味之余，鹅掌还能保持完好，可见火喉时间都拿捏得好好。
干煸野菌龙趸球粉丝煲 - 龙趸球好厚身，外层煎香，又吸晒啲姜葱味，食落啖啖肉，加埋索晒味嘅粉丝，整个煲都很有获气很香。
古法瓦罉豉油鸡 - 豉油鸡肉质嫩滑多汁，而且很有鸡味，汁酱甜甜哋好惹味，啲汁拎嚟𩠌饭都好味。
上汤浸时蔬 - 虽然看似简单，但食完就知不同之处，菜心很嫩很清甜，上汤浸完令菜心留有鲜味，加上少少火腿丝，为整道菜添上咸香，不错。
招牌名门炒饭 - 炒饭很有获气，材料有虾仁、叉烧粒及菜梗粒等，饭粒炒得干身，整体很好味。
紫米露 - 饭后送上汤水结尾，紫米露好足料，有紫米及芋头，少甜有椰汁香，为呢餐画上完美句号。
家人对餐厅嘅食物品质及服务一致好评，食材新鲜，厨师巧手厨艺，令看似简单调味嘅𩠌菜，做到恰到好处，出面已经很少地方食到顺德菜，大家对呢餐都好满意，已经谂紧下次几时再去帮衬。
张贴
