The Oyster House (已搬遷) 新店位置

嚟到呢间Oyster House餐厅，我同朋友都不约而同想点一啲蚝既菜式，拣咗海鲜拼盘同埋鲜蚝浓汤。海鲜拼盘法国黄金螺x2新鲜空运生蚝x2日式矶煮鲍鱼x2北海道带子x2纽西兰青口x4海鲜拼盘每样海鲜都有少少，一次过试晒，海鲜类算新鲜，冇腥味，比较有惊喜嘅系日式矶煮鲍鱼，日式酱油昆布味道调校得好好。鲜蚝浓汤比较creamy，有蚝肉系入面。前菜试咗烤日本带子配野菌木鱼丝，日本带子大大粒，连木鱼丝配搭几特别。主菜要左全条龙虾尾扁意粉，龙虾肉非常爽口，龙虾汁份量好够，每一条扁意粉都吸收哂龙虾汁精华。最后试左香蕉拖肥批，上面嘅拖肥同cream唔太甜，配埋熟咗嘅香蕉粒，配搭几特别。