幸屋

营业中

休息中

朋友介绍我试下呢间位于湾仔，主打日式拉面嘅小店，听闻佢嘅沾面都好正，点左佢嘅沾面试吓。朋友由于成日帮衬，佢话要试吓鳗鱼饭，explore多啲唔同菜式。餐牌有多款拉面/沾面选择，价钱大约八十至百零蚊，除咗拉面，仲有丼饭、小食同饮品。点菜时可以根据自己口味，选择拉面嘅硬度、汤底浓度、粗或幼面等。鹿儿岛赤鸡沾面（$108）- 汤底可选热或冻，我点咗热汤，上菜时热辣辣，味道非常浓郁，充满咸香。鸡肉入口好嫩滑，仲配有半溏心鸡蛋、椰菜、洋葱、云耳同埋笋，味道好夹好清新。面质算弹牙，沾上汤底食，味道唔错。蒲烧鳗鱼丼（$98）- 鳗鱼分量相当多，厚身大件，同样配以半溏心蛋。鳗鱼质素唔错，性价比好高。芝士年糕 （$38）- 年糕热辣辣，好烟韧，咬落去仲有流心芝士，真心好味，芝士控必食推介。