幸屋

营业中

休息中

幸屋系好耐之前仲翻紧intern既时候已经食过，记忆中就系好食的，呢日咁啱去开湾仔，久违地再黎食，水准仲系度😋  1️⃣ 盐汤黑松露元贝拉面（$118） 呢款系期间限定既拉面～汤底会比较清，啱晒有时想食拉面但系又唔想食得咁heavy。盐汤清清地，配上黑松露酱，清淡中又带啲特色☺️配料非常丰富，除左原粒带子之外，仲有赤鸡胸、叉烧同埋溏心蛋。鸡胸好嫩滑，叉烧就系大大片既日式叉烧。另外仲有啲海藻、竹笋、紫菜，同埋炸牛蒡！炸牛蒡好脆好好食～  2⃣️樱花虾味增拉面（$88） 虾汤味道浓厚，面头有好多樱花虾。欣赏佢系唔同拉面会有唔同配菜，同汤底更加夹🤤呢款有木耳、紫菜、椰菜、溏心蛋，平衡一下汤底既重口味。另外叉烧有两款，有大片既日式叉烧同埋豚角煮。豚角煮系厚身多啲肥肉位，但系入口即溶既口感好正！肉味更加香。  3️⃣和风饺子（$38） 饺子系羽根饺子既制法，好靓😍一大层薄脆，加上沙律酱，好食。 4️⃣芝麻手羽（$38） 好脆好香，而且一啲都唔油腻！